Informationis technologia

Pecunia in technologiam informationis communicationisque anno 2005 insumpta.

Informationis technologia, fortuite ut copulatione infotech, brevissime IT, secundum Information Technology Association of America, est "studium, descriptio, evolutio, implementatio, subsidium, vel administratio systematum informationis in computatris condita, praecipue in applicationibus programmaturae ferramentisque computatralibus." IT tractat usum computatrorum electronicorum programmaturaeque computatralis tuto ad convertendam, conservandam, protegendam, tractandam, transmittendam, imponendam, exponendam, et recuperandam informationem.

Hodie, terminus informationis expanditur ut multos circumdet modos computandi et technologiae, et verbum et sigla fiunt ambo agnitissima. "Professionales" in IT varia munera exsequuntur, quae ab inauguratione applicationum ad descriptionem multiplicium retium computatralium informationisque datorum basium transeunt. Nonnulla officia quae ei exsequuntur sunt datorum tractatio, retium usus, ferramentorum computatralium descriptio, datorum basium programmatumque designatio, et tractatio administratioque totorum systematum. Informationis technologia nunc expanditur longius quam quotidianum computatrum personale et technologia retium et plus in integrationes aliarum technologiarum, sicut usus telephoniorum cellularium, televisionum, autocinetorum, et aliarum rerum—quod necessitatem talium operum auget.

Eventus combinatio technologiarum computatrorum et communicationis est informationis technologia.

Mus radialis est genus ferramentorum computatralium.

Tempore recentiori, ABET et Association for Computing Machinery conlaboraverunt ut normas accreditationis curriculorumque describerent pro gradibus in informationis technologia ut distincti studii ramus, ab ambobus scientia computatrali et systematibus informationis separatus. SIGITE est laborans grex ACM ad definiendas has normas.

Reditus omnium ex orbi terrarum officiorum IT fuit $763 milia millionum anno 2009.

Vide etiam

• Index rerum de informationis technologia
• Accessibilitas
• Conventio de Iuribus Hominum cum Inhabilitatibus
• Impertitor
• Libertas informationis

Bibliographia

• Adelman, C. 2000. A Parallel Post-secondary Universe: The Certification System in Information Technology. Vasingtoniae: U.S. Department of Education.
• Allen, T., et M. S. Morton, eds. 1994. Information Technology and the Corporation of the 1990s. Novi Eboraci: Oxford University Press.
• Florida Institute of Technology. 2010. Information Technology: MSIT Resources. Master of Science in Information Technology (MSIT).
• Shelly, Gary, Thomas Cashman, Misty Vermaat, et Tim Walker. 1999. Discovering Computers 2000: Concepts for a Connected World. Cantabrigiae Massachusettae: Course Technology.
• Webster, Frank, et Kevin Robins. 1986. Information Technology: A Luddite Analysis. Norwood, Novae Caesareae: Ablex.
• World Economic Forum and INSEAD. 2009. The Global Information Technology Report 2008–2009. ISBN 978-92-95044-19-7.