Gregorius Potanin

Res apud Vicidata repertae:

Gregorius Potanin: subscriptio

Nativitas: 21 Septembris 1835; Yamyshevo Fortress
Obitus: 30 Iunii 1920; Tomium
Patria: Imperium Russicum, Russica Sovietica Foederativa Socialistica Res Publica

Familia

Coniunx: Aleksandra Potanina

Memoria

Sepultura: Tomium

Gregorius Nicolai filius Potanin (Russice Григорий Николаевич Потанин, tr. Grigorij Nikolaevič Potanin; natus die 22 Septembris^[1] anni 1835, mortuus die 30 Iunii 1920) fuit geographus, ethnographus et scriptor Russicus, explorator Asiae Mediae et Siberiae.

Biographia[recensere | fontem recensere]

Gregorius Potanin natus est in Iamyschewensi castello^[2] regionis Omensis Imperii Russici (nunc pago regionis Pavlodarensis Kazachstaniae).

Post finem studii sui in schola militari Omensi (anno 1852), annis 1853 - 1858 functus est munus militare. Annis 1859 - 1862 in Universitate Petropolitana studebat. Ut particeps perturbationis studentium, quae anno 1861 accidit, deportatus est in Siberiam. Annis 1865 - 1874, ut particeps Societatis Independentiae Siberiae, abditus est carceri, et dein affectus est exsilio.

Annis 1863–1864 Potanin fuit particeps expeditionis Societatis Geographicae Russicae in partem meridionalem Kazachstaniae orientalis. Perfecit expeditiones in Mongoliam occidentalem et Tuvam (annis 1876 - 1877, 1879 - 1880), in Sinas septentrionales, Tibetiam orientalem et Mongoliam centralem (annis 1884 - 1886, 1892 - 1893), in montes Chingan (anno 1899). Expeditionum illarum gratia, notitiae vastae novae de terris illis collectae sunt. Potanin fuit initiator nonnullarum expeditionum in Siberiam atque conditor societatis studii Siberiae.

Gregorius Potanin obiit Tomii in urbe, die 30 Iunii anni 1920.

Asteroides 9915 Potanin in eius honorem nominatus est.

Notae[recensere | fontem recensere]

↑ Calendario Iuliano, scilicet 4 Octobris Gregoriano.
↑ "Iamyschewensis castelli"[1]

Fontes[recensere | fontem recensere]

Pagina de Gregorio Potanin Encyclopaediae Sovieticae Magnae editionis tertiae (Russice)
Dictionarium novum illustratum encyclopaedicum – Новый иллюстрированный энциклопедический словарь / Ред. кол.: В.И. Бородулин, А.П. Горкин, А.А. Гусев, Н.М. Ланда и др. – М.: Большая Российская энциклопедия, 2001. – ISBN 5-85270-259-5 (Russice)

Nexus externi[recensere | fontem recensere]

Vicimedia Communia plura habent quae ad Gregorium Potanin spectant.

Lexica biographica: • Большая российская энциклопедия • IPNI • Deutsche Biographie

[1] Calendario Iuliano, scilicet 4 Octobris Gregoriano.

[2] "Iamyschewensis castelli"[1]

[1]

[2]