Gaius Asinius Gallus
E Vicipaedia
Gaius Asinius Gallus (natus anno 41 a.C.n., mortuus anno 33) senator Romanus fuit.
Familia [recensere]
Pater eius Gaius Asinius Pollio, consul anni 40 a.C.n. et scriptor rerum gestarum erat. Filii ei nonnulli erant:
- Gaius Asinius Pollio, consul ordinarius anni 23
- Marcus Asinius Agrippa erat, qui anno 25 summum magistratum gessit[1].
- Gnaeus Asinius Saloninus homo insignis et a Tiberio progener destinatus[2] (mortuus anno 22)
- Servius Asinius Celer, consul suffectus anni 38
- Lucius Asinius Gallus, qui anno 46 contra Claudium conspirationem fecit. Non absurdum videtur eum Lucium Afinium Gallum consulem ordinarium anni 62 fuisse.
Cursus honorum [recensere]
Ipse fuit IIIvir monetalis anno 23/22, XVvir sacris faciundis ludis salaribus anni 17 interfuit. Anno 8 a.C.n. consul ordinarius factus est. Anno 6/5 proconsul provinciam Asiam administravit. Cum Tiberius divortium facere cum Vipsania Agrippina coactus esset, Asinius ei nupsit. Idcirco Tiberius Asinio semper iratus est. Post mortem Augusti imperatoris amicissimus Lucio Aelio Seiano erat. Fuit orator magnus, qui persaepe in senatu sententiam tulit. Post Augusti mortem accusatus et relegatus est et anno 33 mortuus est[3].
Notae [recensere]
| Antecessores: Nero Claudius Drusus et Titus Quinctius Crispinus Sulpicianus |
Consul 8 a.C.n. cum Gaio Marcio Censorino |
Successores: Tiberius Claudius Nero II et Gnaeus Calpurnius Piso |
