Euclides

Vide etiam paginam discretivam: Euclides (discretiva)

Euclides (hic falso 'Megarensis' nominatus) ab Iusto Gandavino ca. 1474 depictus

Euclides Alexandrinus (Graece: Εὐκλείδης) est clarissimus mathematicus antiquus, qui saeculo IV a.C.n. Alexandriae Ptolemaeo I regnante (304–293 a.C.n.) floruit. Plurimum innotuit opere magno, quod Elementa (Στοιχεῖα) inscribitur. Hoc opus in tredecim consistit libris, quorum primi quattuor theoremata geometriae planae, libri V et VI theoriam proportionum, libri VII usque ad IX theoriam arithmeticam per formas geometricas descriptam, ultimi denique tres libri geometriam solidam continent.

Opera

Praeter Elementa Euclides nonnullos libros minores scripsit:

• Optica
• Catoptrica, opera geometriae in visum phaenomenorum luminosorum adhibitae
• Phaenomena, descriptionem geometricam sphaerae caelestis continens
• Sectio canonis (Graece: Κατατομὴ Κανόνος), mathematicam musicae theoriam continens
• Data, de quantitatibus vel aliis notionibus datis in problematis geometricis
• ceteros plures partim Arabice tantum conservatos, partim ab aliis auctoribus citatos

Vide etiam

• Geometria
• Mathematica