Unificatio Italiae

Unificatio Italiae saeculo XIX incepta et maxima parte perfecta est. Hoc aevum Italiane dicitur Risorgimento (Latine dicitur "vindicatio").

Anno 1815 post Vindobonae conventum, Italia in novem fines dividebatur, sed patriae amantes coniunctam nationem exoptabant; Sardiniae regnum magnum erat, quia etiam Pedemontium, Liguriam, Augustae Praetoriae Vallem, Nicaeam et Sapaudiam comprehendebat: bella ad repetendam libertatem gessit.
Multi tumultus facti sunt: annis 1820 et 1821 defectiones pro libertate in urbe Neapoli, Sicilia, Liguria ac Pedemontio, postea annis 1830 et 1831 defectiones pro libertate in Media Italia fuerunt.
Anno 1848 Sardi primo bello pro libertate gesto Austria victi sunt.
Anno 1859 Sardi cum Francogallis contra Austriam secundo bello pro libertate gesto Langobardiam ceperunt.
Anno 1860 universi populi suffragiis, mense Martio Emilia et Tuscia Sardiniae adiunctae sunt, sed mense Aprili Nicaea et Sapaudia Francogalliae additae sunt. Sardi mense Octobri Siciliam et Neapolitanas provincias ac mense Novembri Picenum et Umbriam mille hominum expeditione et universi populi suffragiis includerunt.
Anno 1861 Senatus mense Februario et Delegatorum Consilium mense Martio Sardiniae regem Italiae regem nuntiaverunt. Die 17 Martii 1861 regnum proclamatum est.
Anno 1866 Italia cum Borussia tertio bello pro libertate gesto Austriam vicit, ergo Venetiae provinciae et Mantua universi populi suffragio Italiae se coniunxerunt.
Anno 1870 Italia papam superavit: post fracturam Portae Piae, Roma et Romanae Provinciae universi populi suffragio Italica regio factae sunt.
Post primum bellum mundanum, anno 1919 Tridentina regio et Alta Athesia (vel Raetia Australis) atque annis 1919 et 1920 Venetia Iulia Italiae addita sunt.
Post secundum bellum mundanum Histria et Iadera postremo Meridiana Slava, regio eNapolitanas Provincias a momentum territoria factae sunt?.

Nexus interni

Res Edgardi Mortara

Bibliographia

Beales, Derek; Biagini, Eugenio F. The Risorgimento and the Unification of Italy. Harlow: Longman, 2002.
Gobetti, Piero. Risorgimento senza eroi e altri scritti storici. Augustae Taurinorum: Einaudi, 1976.
Gooch, John. The Unification of Italy. Londinii: Routledge, 2001.
Gramsci, Antonio. Il Risorgimento. 3a editio. Romae: Editori riuniti, 1996.
Maturi W. Interpretazioni del Risorgimento: lezioni di storia della storiografia. Augustae Taurinorum: Einaudi, 1962.
Riall, Lucy. The Italian Risorgimento: State, Society, and National Unification. Londinii: Routledge, 1994.
Romeo, Rosario. Risorgimento e capitalismo. Barii: Laterza, 1974.