Tycho Brahe

Tycho Brahe

Res apud Vicidata repertae:

Nativitas: 14 Decembris 1546; Knutstorp Castle
Obitus: 24 Octobris 1601; Praga, Praga
Patria: Dania

Officium

Munus: astronomus, scriptor, autobiographus, poëta, Astrologus, alchemista
Patronus: Uranienburg

Consociatio

Religio: Lutheranismus

Familia

Genitores: Otte Brahe; Beate Clausdatter Bille
Proles: Sidsel Brahe

Memoria

Sepultura: Church of Our Lady before Týn

Uraniburgi aedificium principale

Uraniburgi schema

De quadrante Murali, libellus a Tychone Brahe anno 1598 editus.

Tycho Brahe seu Braheus seu Braheorum seu Tycho de Brahe (natus Tyge Ottesen Brahe Knutstorp in oppido Scaniae die 14 Decembris 1546; mortuus Pragae die 24 Octobris 1601) fuit astronomus Danicus.

Vita

Natus est in vico rurali, in insula tum Danica nomine Schonen. 13 annos natus Hafniae universitatem Luthericam adiit, ut educatus ad studia iurisprudentiae se praepararet. Anno 1562 iussu parentum in universitate studiorum Lipsiensi discere coepit. Parentes prohibere filium ad litteras de astronomia scriptasavidum esse non potuerunt. Tycho globum et pyxidem in peregrinationibus secum semper habeat. Iam tunc temporis plures errores in tabulis stellarum sustulit.

Anno 1572 stellam novam in Cassiopeia indagavit, de qua magna cum laude scripsit. Fredericus II rex Daniae, cum pro magna doctorum opinione astronomo auctoritas acсessisset, Tychonem honorifice tractare coepit; insulam Hven in Sundico freto et salarium annuum donavit. Uraniburgum vel Arcem Caeli, observatorium et palatium scientiae, Tycho in Hven aedificavit. Ibi cum familia et ministris habitabat et cum sorore sua Sophia ^[en], quam Uraniam nominabat. Anno 1577, cum stella crinita clarissima multos terrebat, Tycho Brahe eam instrumentis novis et certis a se creatis observabat et statuit, ut stella crinita non esset phaenomenon meteorologicum, ut Aristoteles putabat, sed corpus caeleste, ter longius, quam Luna, vel etiam longius a Tellure distans. Stellae crinitae orbitas planetarum transcurrunt, ergo sphaerae caelestes solidae et firmae absunt. Haec conclusio vix non maioris momenti est, quam systematis heliocentrici et geocentrici differentia.

Frederico rege mortuo Christianus IV rex novus, qui scientias non adeo colebat, ut Fredericus, Tychonem e Hven emitiit. Nunc Uraniburgi etiam reliquiae manent. Ad Rudolphum imperatorem tunc Tycho migravit in Pragam, ubi cum Iohanne Keplero multum collaboravit.

Systhema mundi Tychonis Brahe

Copernicum Tycho Brahe venerabatur, sed systhema eius refecit. Secundum Brahe, Sol, Luna et stellae circum Tellurem immobilem moventur, ceteri planetae circum Solem. Ioannes Baptista Ricciolius ^[it] hoc systhema sustinuit, sed secundum Ricchiolium Iuppiter et Saturnus circum Tellurem moventur, Mercurius autem, Venus et Mars circum Solem. Sed sphaeras caelestes Brahe negavit.

Nexus interni

• Iohannes Keplerus
• Nicolaus Raimarus Ursus

Bibliographia

• Christianson, J. R. (2000). On Tycho's Island: Tycho Brahe and His Assistants, 1570–1601. Cantabrigiae.
• Christianson, J. R. (1967). "Tycho Brahe at the University of Copenhagen, 1559–1562", in: Isis. 58 (2): 198–203.

Nexus externi

Vicimedia Communia plura habent quae ad Tychonem Brahe spectant.

• Petri Gassendi Tychonis Brahei vita, Hagae Comitum 1660
• Tycho Brahe: de astronomo praeclaro (alia biographia Latine)
• Tychonis Brahe Astronomiæ instauratæ mechanica. Nurembergi: Levinus Hulsius, 1602
• Tychonis Brahe De mundi aetherei recentioribus phaenomenis liber secundus
• Tabulae Rudophinae, a Tychone et Keplero compositae