Latinitas nondum censa

Tuva

E Vicipaedia
Salire ad: navigationem, quaerere
Wikidata-logo.svg Tuva
Res apud Vicidata repertae:
Tuva: insigne
Tuva: vexillum
res publica
Civitas: Russia
Subdivisio superior: Russia
Territoria finitima: Altai, Chakassia, Q6563, Regio Ircutensis, Buriatia, Q244788, Q167764, Q192942, Q191792
Caput: Q6049

Populus

Sermo publicus: Russica, Q34119
Zona horaria: Q2351310

Commemoratio

Paean: Q1330359

Sigla

Siglum autoraedarum: 17
Tuva: situs

Res Publica Tuva[1][2] (Tuvinice Тыва Республика, tr. Tyva Respublika; Russice Республика Тыва, tr. Respublika Tyva, seu Тува, tr. Tuva) est subiectum Foederationis Russicae, in Siberia situm, et ab anno 2000 in Districum Foederalem Sibericum Foederationis Russicae inclusum. Circa 316 milia incolarum (anno 2016) habet, quorum 82 % ad gentem Tuvinicam indigenam et circa 16 % ad gentem Russorum pertinent. Lingua Tuvinica et lingua Russica sunt linguae officiales. Caput et urbs maxima Tuvae est Kyzyl.[2]

Geographia[recensere | fontem recensere]

Tuva cum terris adiacentibus

Res publica Tuva, aream 168 604 km² habens, in parte meridiana Siberiae occidentalis in medio Asiae sita est, cum Mongolia (in meridie et meridie-oriente) atque subiectis Foederationis Russicae re publica Buriatia (in oriente), regione Ircutensi (in septentrio-oriente), territorio Crasnoiarensi (in septentrione), re publica Chakassia (in septentrio-occidente) et re publica Altai (in occidente) contermina. Kyzyl, Tuvae metropolis, "Centrum Asiae" declaratur.

Iuga montium Saianensium in septentrione orienteque, iuga montium Altaicorum autem in occidente Tuvae sita sunt.

Minor Ienisea Superior

In Tuva, iuxta fluxum inferiorem Ieniseae sita, plus quam 9 milia fluminum fluunt, quorum maxima sunt Maior Ienisea Superior (Ulug-chem), Kantegir, Chemtsik, Minor Ienisea Superior (Kaa-chem), Ienisea Superior (Bii-chem). Lacus magni rei publicae sunt Todzha Lacus sive Azas Lacus, Uvs Nuur, Kadush Lacus et Manu-Chol Lacus.

Historia[recensere | fontem recensere]

Territorium Tuvae, quod olim ad varia regna antiqua pertinebat, anno 1758 adiunctum fuit ab Imperio Sinarum (Domus Qing), quo ad annum 1912 administrabatur. Anno 1914, rogatu ducum suorum, Tuva sub protectionem Imperii Russici accepta est. Medio anni 1921 rerum novarum cupidi Tuvae, a Re Publica Sovietica Foederativa Socialistica Russica sustineti, Tuvam in rem publicam sui iuris popularem transformaverunt. Anno 1944, post rogatum administrationis suae, Res Publica Popularis Tuvinica in RSFS Russicam Unionis Sovieticae ut regio autonoma accepta est, anno 1961 in rem publicam autonomam transformata.

Nota[recensere | fontem recensere]

  1. http://www.geonames.de/couru-republics.html#ty
  2. 2.0 2.1 "RSSA Tuva, in vicinis opp. Kyzyl, ad ripam fl. Jenissei, in steppa."[1]

Nexus externi[recensere | fontem recensere]

Commons-logo.svg Vicimedia Communia plura habent quae ad Tuvam spectant.