Latinitas bona

Spira culicum

E Vicipaedia
Jump to navigation Jump to search
Spira culicum uritur.
Spira culicum.

Spira culicum est tus quod insecta repellit, praecipue culices, plerumque formam spirae habens, atque usitate ex siccato pulveris pyrethri glutine manufactum. Spira plerumque in centro tenetur, in aere suspensa, vel a binis retibus ignibus imperviis fulta, ad fumificationem continuam sinendam. Adustio in exteriori spirae fine plerumque incipit, et ad centrum lente progreditur, fumum qui insecta repellit gignens.[1] Spira circa 15 centimetra in diametro usitate extendere potest, et circa horas octo persistit. Spirae culicum in Asia, Africa, America Australi, et Australia late adhibentur.[2]

Notae[recensere | fontem recensere]

  1. Erin McKean, "Mosquito Coil," The New Oxford American Dictionary (Oxford University Press, 2005), 1105.
  2. Liu et al. 2003.

Bibliographia[recensere | fontem recensere]

  • Liu, Weili, Junfeng Zhang, Jamal H. Hashim, Juliana Jalaludin, Zailina Hashim, et Bernard D. Goldstein. 2003. Mosquito Coil Emissions and Health Implications. Environmental Health Perspectives 111(12):1454–1460. doi:10.1289/ehp.6286. PMID 12948883. PMC 1241646. PDF.

Nexus interni

Nexus externi[recensere | fontem recensere]

Commons-logo.svg Vicimedia Communia plura habent quae ad spiram culicum spectant.