Quantum redactiones paginae "Polyxena" differant
m r2.6.5) (automaton addit: ko:폴릭세네 |
|||
| Linea 31: | Linea 31: | ||
[[it:Polissena]] |
[[it:Polissena]] |
||
[[ja:ポリュクセネー]] |
[[ja:ポリュクセネー]] |
||
[[ko:폴릭세네]] |
|||
[[lt:Poliksena]] |
[[lt:Poliksena]] |
||
[[nl:Polyxena]] |
[[nl:Polyxena]] |
||
Emendatio ex 06:28, 16 Maii 2012
Polyxena in mythologia Graeca erat filia novissima Priami et Hecubae. Troia capta, cum Graeci victores reditum pararent, ex Inferis emissa umbra irata Achillis eis apparuisse dicitur et partem praedae sibi debitam virginem expostulavisse. Tum Graeci per Neoptolemum, filium Achillis, Polyxenam super tumulum eius immolaverunt. Quod horrendum fatum et Sophocles[1] et Euripides et Seneca in scaenam protulerunt.
Etenim Achilles dicebatur eam virginem statim amasse cum vidisset et eam vidisse patrem Priamum comitantem dum corpus Hectoreum pater reposcit. De bello omittendo amore eius captus cogitare iam coeperat et ad eam colloquendam contendebat ea nocte qua inopinatus a Paride insidiante dolo interfectus est. Itaque ad aram velut ad nuptias Philoxena ducta est, sponsalibus ornamentis vestita sanguine suo tumulum herois irrigavit atque hoc modo velut ei nupsit.
Fontes.
- Catullus Carmen 64 : 362-370.
- Euripides Hecuba
- Hyginus mythographus Fabulae 110.
- Ovidius libro tertio decimo Metamorphoseon versus 439-480.
- Seneca Troades
- Vergilius libro tertio Aeneidis, 321-324.
Notae
- ↑ In tragoedia hodie deperdita.