Muta bilabialis sonora

Muta bilabialis sonora est consonans, cuius symbolum IPA est b minuscula. Itaque [b] littera simplici ea mutarum bilabialium sonorarum species signatur, quae in linguis mundi usitatissima est. Aliae autem, quae rariores sunt, species signis diacriticis additis notantur. Consonantes huius generis sunt

• modo articulandi mutae, quia impetus aëris in meatu vocali omnino impeditur;
• loco articulandi bilabiales, quia ambo labia phono articulando operantur;
• phonatione sonorae, quia impetus aëris per vibrantes meat chordas vocales.

Mutae bilabiales sonorae sunt insuper consonantes orales, quia ex ore eduntur, et pulmoneae, quia aëris impetus e pulmonibus (potius quam glottide aut ore) egreditur.

IPA	Descriptio	Specimen
		Lingua	Orthographia	IPA	Sensus
b	Muta bilabialis sonora	Latina	bibo	['bibo:]
bʰ	Muta bilabialis sonora aspirata	Sanscritica	बिभेद	[bibʰe:da]	'fidit'
bʲ	Muta bilabialis sonora palatalizata	Russica	белого	['bʲɛləvə]	'albi' (genetivus)
bʷ	Muta bilabialis sonora labializata	Dobu	bwebwebwe	[bʷe'bʷebʷe]	'conus gloriamaris'
b̚	Muta bilabialis sonora detenta	Anglica	stab	[stæb̚]	'ictus'
b̬	Muta bilabialis sonora semisonus
	Muta bilabialis sonora eiecticia

Bibliographia

Lithgow, Daphne (1977) Dobu phonemics. Phonologies of five P.N.G. languages (edidit Richard Loving), 73-96. (Workpapers in Papua New Guinea Languages, 19.) Ukarumpa: Summer Institute of Linguistics. versio interretialis (pdf) apud www.sil.org

Vicina

• Consonans bilabialis
• Muta bilabialis surda