Quantum redactiones paginae "Catilinae coniuratio" differant

Latinitas nondum censa
E Vicipaedia
Browse history interactively
← Differentia superiorDifferentia proxima →
Content deleted Content added
VisualWikitext
No edit summary
mNo edit summary
Linea 13: Linea 13:
Quidam [[Marcus Licinius Crassus (triumvir)|M. Crassum]] occultiorem participem fuisse crediderunt.<ref>Sallustius, ''Catilinae coniuratio'' 17.7</ref> [[Sempronia (Decimi Bruti uxor)|Sempronia]] ([[Decimus Iunius Brutus Albinus|D. Bruti]] tyrannicidae mater) praeclara fuit inter feminas coniuratas.<ref>Sallustius, ''Catilinae coniuratio'' 25</ref> [[Fulvia (Quinti Curii amica)|Fulvia]], Q. Curii amica, prima omnium de coniuratione aliis nuntiavit, inter quos tandem Ciceroni; quem postea Q. Curius ipse de rebus a Catilina gestis certiorem fecit.<ref>Sallustius, ''Catilinae coniuratio'' 23, 26, 28</ref>
Quidam [[Marcus Licinius Crassus (triumvir)|M. Crassum]] occultiorem participem fuisse crediderunt.<ref>Sallustius, ''Catilinae coniuratio'' 17.7</ref> [[Sempronia (Decimi Bruti uxor)|Sempronia]] ([[Decimus Iunius Brutus Albinus|D. Bruti]] tyrannicidae mater) praeclara fuit inter feminas coniuratas.<ref>Sallustius, ''Catilinae coniuratio'' 25</ref> [[Fulvia (Quinti Curii amica)|Fulvia]], Q. Curii amica, prima omnium de coniuratione aliis nuntiavit, inter quos tandem Ciceroni; quem postea Q. Curius ipse de rebus a Catilina gestis certiorem fecit.<ref>Sallustius, ''Catilinae coniuratio'' 23, 26, 28</ref>


[[Novius Niger]] quaesitor de coniuratione anno [[62 a.C.n.]] meruit; apud quem Q. Curius et [[Lucius Vettius|L. Vettius]] C. Caesarem participem coniurationis fuisse "Curius e Catilina se cognovisse dicebat, Vettius etiam chirographum eius Catilinae datum pollicebatur".<ref>[[Suetonius]], ''[[De vita Caesarum]]'' "Divus Iulius" 14, 17; cf. Sallustius, ''Catilinae coniuratio'' 49.1; [[Plutarchus]], "[[Vita Iulii Caesaris]]" 7-8</ref>
[[Novius Niger]] quaesitor de coniuratione anno [[62 a.C.n.]] meruit; apud quem Q. Curius et [[Lucius Vettius|L. Vettius]] [[Gaius Iulius Caesar|C. Caesarem]] participem coniurationis fuisse "Curius e Catilina se cognovisse dicebat, Vettius etiam chirographum eius Catilinae datum pollicebatur".<ref>[[Suetonius]], ''[[De vita Caesarum]]'' "Divus Iulius" 14, 17; cf. Sallustius, ''Catilinae coniuratio'' 49.1; [[Plutarchus]], "[[Vita Iulii Caesaris]]" 7-8</ref>


== Fontes ==
== Fontes ==

Emendatio ex 20:36, 19 Iunii 2011

Vide etiam paginam fere homonymam: Catilinae coniuratio (Sallustius)

Catilinae coniuratio anno 63 a.C.n. Romae saevivit, incitante L. Sergio Catilina, consulibus M. Cicerone et C. Antonio Hybrida. Duce imprimis Cicerone coniuratio exstirpata est.

Ad conventum primum eorum qui in coniuratione participabant, "circiter Kalendas Iunias L. Caesare et C. Figulo consulibus" (scilicet die circiter 1 Iunii 64 a.C.n.) accesserunt, secundum Sallustium, "senatorii ordinis P. Lentulus Sura, P. Autronius, L. Cassius Longinus, C. Cethegus, P. et Ser. Sullae Ser. filii, L. Vargunteius, Q. Annius, M. Porcius Laeca, L. Bestia, Q. Curius; praeterea ex equestri ordine M. Fulvius Nobilior, L. Statilius, P. Gabinius Capito, C. Cornelius; ad hoc multi ex coloniis et municipiis domi nobiles".[1] Fuerunt qui dicerent ea nocte Catilinam "cum ad iusiurandum popularis sceleris sui adigeret, humani corporis sanguinem vino commixtum in pateris circumtulisse: inde cum post exsecrationem omnes degustavissent, sicut in sollemnibus sacris fieri consuevit, aperuisse consilium suum, atque eo dicationem fecisse, quo inter se fidi magis forent alius alii tanti facinoris conscii".[2]

Socios Catilina in regiones varias, "C. Manlium Faesulas atque in eam partem Etruriae, Septimium quendam Camertem in agrum Picenum, C. Iulium in Apuliam dimisit"; interdum "in Hispania Citeriore Pisonem, in Mauretania cum exercitu P. Sittium Nucerinum" posuerat.[3] Conventum alterum Cicero in oratione Catilinaria prima media nocte 6 Novembris 63 collocare vult, Sallustius paullo antea.[4]

Senatus Romanus die 21 Octobris 63 Senatus consultum ultimum decrevit. Q. Marcius Rex Faesulas, Q. Metellus Creticus in Apulia militaverunt. Cicero orationem Catilinariam primam die 8 Novembris 64 pronuntiavit; eo die Catilina e Roma ad Manlium fugit.

Alii coniurati, P. Umbrenus et T. Volturcium, legatos Allobrogum Romae missos subornare voluerunt. Illi autem per patronum suum Q. Fabium Sangam de hoc conatu Ciceroni nuntia miserunt. Senatui die 5 Decembris 63, suadentibus praesertim Cicerone et Catone, abnuente C. Caesare, poenam mortis in quinque coniuratos Romae captos imponere placuit, scilicet Lentulum Suram, Cethegum, Statilium, Gabinium et C. Caeparium.[5] Catilina ipse proelium iuxta Pistoriam contra Metellum Celerem mense Ianuario 62 a.C.n. commisit ibique in pugna interfectus est.[6]

Quidam M. Crassum occultiorem participem fuisse crediderunt.[7] Sempronia (D. Bruti tyrannicidae mater) praeclara fuit inter feminas coniuratas.[8] Fulvia, Q. Curii amica, prima omnium de coniuratione aliis nuntiavit, inter quos tandem Ciceroni; quem postea Q. Curius ipse de rebus a Catilina gestis certiorem fecit.[9]

Novius Niger quaesitor de coniuratione anno 62 a.C.n. meruit; apud quem Q. Curius et L. Vettius C. Caesarem participem coniurationis fuisse "Curius e Catilina se cognovisse dicebat, Vettius etiam chirographum eius Catilinae datum pollicebatur".[10]

Fontes

Notae

  1. ↑ Sallustius, Catilinae coniuratio 17.1-5
  2. ↑ Sallustius, Catilinae coniuratio 22.1-2
  3. ↑ Sallustius, Catilinae coniuratio 27.1, 21.3
  4. ↑ Cicero, In Catilinam oratio I ; Sallustius, Catilinae coniuratio 27.3-4
  5. ↑ Sallustius, Catilinae coniuratio 50-55
  6. ↑ Sallustius, Catilinae coniuratio 56-61
  7. ↑ Sallustius, Catilinae coniuratio 17.7
  8. ↑ Sallustius, Catilinae coniuratio 25
  9. ↑ Sallustius, Catilinae coniuratio 23, 26, 28
  10. ↑ Suetonius, De vita Caesarum "Divus Iulius" 14, 17; cf. Sallustius, Catilinae coniuratio 49.1; Plutarchus, "Vita Iulii Caesaris" 7-8

Bibliographia

  • Barbara Weiden Boyd, "Virtus Effeminata and Sallust's Sempronia" in Transactions of the American Philological Association vol. 117 (1987) pp. 183-201
Receptum de "https://la.wikipedia.org/w/index.php?title=Catilinae_coniuratio&oldid=1608940"