Reticulum (constellatio)

Data Reticuli constellationis
Nomen	Reticulum
Genetivus	Reticuli
Abbreviatio	Ret
Ascensio recta	3 h 13 min ad 4 h 37 min
Declinatio	-67° ad -52°
Area	114 gradus quadrati ordo: 82
videri potest inter	-90° ac +23°
Numerus stellarum magnitudinis < 3m	nullae
Stella lucidissima, Magnitudo	α Ret, 3,33m
Constellationes finitimae (a 7 trionalibus sensu negativo)	Horologium Hydrus Dorado

Reticulum constellatio in caelo australi sita est. Prope Nubeculam Maiorem ad septentrionales spectat. Quattuor stellae rhombum fingunt. Itaque primo Rhombus appellata erat.

De historia

Constellatio anno 1624 a Silesico scriptore Iacobo Bartschio primum commemorata est. Anno 1752 Nicolaus Ludovicus de Lacaille astronomus Francogallicus nomen in „Reticulum Rhomboidalis“ commutavit. Quod non rete parvum significat, sed instrumentum astronomicum, nempe planum vitreum recticulo insculptum, quod ante ocular ponendum est. Lacaille nonnullis constellationibus nomina instrumentorum dedit.

Stellae

Si plus cognoscere vis, vide etiam Stellae Reticuli.

ζ Reticuli systema stellarum duplicum circiter 39 spatia lucis annuae remotum est. Cum stellae 310" arcus secundos distent, stellae etiam oculis nudis dividi possunt. Altera stella 39,40 sla remota est, altera 39,53 sla; ita circum 9000 unitates astronomicas (ua) distant. ζ¹ Ret classis spectralis G2.5 V est, ζ² Ret G1-2 V.

Orientes ab analysi controversa tabulae, quae visa a pari hominum (Bettina ac Barney Hill) postea sub hypnosi memorata est, nonnulli ovni (obiectum volatile non identificatum) coniurationum doctrinae sectatores in Tellure existimant ζ² Ret portum patrium quorundam animalium per spatium vacuum vagantium obtinere (quos "Canos" vocant). Apparet illos Canos Tellurem vistavisse ut homines explorandi aliarumque causarum nefariarum gratia abducerent. Quorum unum vehiculorum Roswelli in regione Novi Mexici terram calamitose appulisse dicitur, quam rem magistratus Civitatum Confoederatarum celare voluisse feruntur.

Stella	Magnitudo	Magnitudo absoluta	Intervallum (sla)	Classis spectralis
α Ret	3,33	-0,17	163	G7 III
β Ret	3,84	1,41	100	K0 IV SB
ε Ret	4,44	3,14	59	K2 IV
γ Ret	4,48	-1,41	491	M4 III
δ Ret	4,56	-1,5	530	M2 III
κ Ret	4,71	3,05	70	F5 IV-V
ι Ret	4,97	-0,06	331	K4 III
ζ2/1 Ret	5,24	4,83	39	G1 V + G2.5 V
η Ret	5,24	-0,09	380	G7 III
HR 1340	5,45	0,88	267	K0 III

N. b. : Numeri excerpti sunt e mensionibus satellitis Hipparcos nominatae Hipparchos catalogue: query form apud archive.ast.cam.ac.uk.

Nexus externi

• "Reticulum" apud Chris Dolan, The Constellations and their Stars
• "The Constellations" apud situm Internationalis Unionis Astronomicae

Constellationes nominibus Latinis digestae

Constellationes abbreviationibus digestae

Zodiacus