Pronomen personale

Pronomina personalia sunt pronomina quae personas grammaticales repraesentant. Pro pronominibus reflexivis etiam stant, cum sententiae subiectum eadem persona atque in praedicato sint.

Tertiae personae pronomen est defectivum, quod forma nominativa caret. Sed tertiam personam reddit pronomen demonstrativum is,ea,id, quod adhibetur, ut forma nominativa pronominis non reflexivi tertiae personae detur. Praecipue autem genetivo huius pronominis (sc. eius, eorum/earum/eorum) possessor indicatur, cum pronomine possessivo (reflexivo) (sc. suus/sua/suum) utendum non est.

Prospectus

Persona		Nominativus	Genitivus		Dativus	Accusativus	Ablativus	Vocativus	Pronomen poss.
			Comm.	Partitivus(en)
Sing.	1a	ego	mei		mihi	me	me	―	meus, mea, meum
	2a	tu	tui		tibi	te	te	tu	tuus, tua, tuum
	3a	(is, ea, id)	(eius, eius, eius)		(ei, ei, ei)	(eum, eam, id)	(eo, ea, eo)	―	―
	3a refl.	―	sui		sibi	se	se	―	suus, sua, suum
Plur.	1a	nos	nostri❇	nostrum❇	nobis	nos	nobis	―	noster, nostra, nostrum
	2a	vos	vestri❇	vestrum❇	vobis	vos	vobis	vos	vester, vestra, vestrum
	3a	(ei, eae, ea)	(eorum, earum, eorum)		(eis, eis, eis)	(eos, eas, ea)	(eis, eis, eis)	―	―
	3a refl.	―	sui		sibi	se	se	―	suus, sua, suum

❇ Pronomina “nos” et “vos” duas formas in casu genetivo habent. Una forma, quae in -i finit, est pro genetivo obiectivo; e.g. metus vestri (vos estis qui timentur). Altera forma, quae in -um finit, est pro genetivo partitivo; e.g. unus nostrum (unus ex nobis).

Pronomen is, ea, id

Numerus	Genus	Nominativus	Accusativus	Genitivus	Dativus	Ablativus
Singularis	Masculinum	is	eum	eius	ei	eo
	Femininum	ea	eam	eius	ei	ea
	Neutrale	id	id	eius	ei	eo
Pluralis	Masculinum	ei, ii	eos	eorum	eis, iis	eis, iis
	Femininum	eae	eas	earum	eis, iis	eis, iis
	Neutrale	ea	ea	eorum	eis, iis	eis, iis