Philemon albitorques

E Vicipaedia
Jump to navigation Jump to search
Philemon albitorques
Conservationis status
Taxinomia
Regnum: Animalia
Phylum: Chordata
Classis: Aves
Ordo: Passeriformes
Familia: Meliphagidae
Genus: Philemon
Species: P. albitorques
Binomen
Philemon albitorques
Sclater, 1877

Philemon albitorques, vulgo chauka (Anglice: white-naped friarbird, Manus friarbird; Francice: polochion à nuque blanche; Theodisce: Manuslederkopf; Hispanice: filemón nuquiblanco), est species avis familiae Meliphagidarum, in Insulis Manusianis, in Insulis Admiraltatis in septentrionali Papuae Novae Guineae Archipelago Bismarck endemica. Habitatio naturalis est subtropicae tropicaeve silvae humiles humidaeque, ubi superspeciem cum P. fuscicapillo, P. subcorniculato, P. moluccensi, P. plumigeni, P. buceroida, P. cockerelli, et P. eichhorni constituit, quam ad unam speciem monotypicam pertinuisse olim habita est.

Vexillum Provinciae Manusianae Philemonem albitorquem et quinque cochleas ostentat.

Mares feminaeque colorum sunt similes, praecipue plumbei albidique, unde eorum sexus solum magnitudine distinguitur: femina est minor, mas maior, et eorum voces magnitudinibus respondent.

Vexillum Provinciae Manusianae flavam Philemonis albitorquis in volatu imaginem fert (Minol 2000).

In cultura Manusiana, haec avis est signum hominum multiloquacium. Quidam insulanus ait: "Nos Manusiani nugas garrire sicut chauka malumus. Audemus contionem habere quod nos Manusiani in multis rebus sumus habiles, sed profecto, nostrae avis chaukae simillimi sumus: periti solum evomendi."[1] Secundum naturam, "chauka, avis tantum in Provincia Manusiana inventa, primam nuntiat lucem, occasumque praedicat solis; de periculis saepe admonet, numque venatus sit prosper vaticinatur."[2]

Sunameke, Australianus perfunctionis grex, in Spectaculo Pulchritudinis Pacifici Australis Suvae Vitiorum anno 2009 facto, fabulam Clamorem Chaukae (Anglice: Chauka Calling) egit, quo ipsa avis fuit signum admonitionis de periculo Insularum Pacificarum propter calefactionem mundi.

Notae[recensere | fontem recensere]

  1. "We people of Manus like to talk a lot like the Chauka. We go out and preach to others that we Manusians are fit, but in fact, we are just like our bird Chauka - good at preaching things only" (Samuel Palee Chan, Anglice adlatus in "The Manus Flag & its symbols," PNG Buai).
  2. "The Chauka bird is only found in Manus province and it heralds the coming of dawn and signals the going down of the sun. It often warns of dangers and informs whether the hunting trip will be successful or not" (Manus Province welcome).

Bibliographia[recensere | fontem recensere]

In ornithologia[recensere | fontem recensere]

  • Kisokau, K. 1974. "Bibliography of the wildlife of the Admiralty Islands." Science in New Guinea 2(3):263–264.
  • Mayr, Ernst, et Jared Diamond. 2001. The Birds of Northern Melanesia. Oxoniae: Oxford University Press. ISBN 0-19-514170-9.
  • Monroe, Burt, Jr., et Charles G. Sibley. 1997. A World Checklist of Birds. Portus Novus: Yale University Press. ISBN 978-0-300-07083-5.
  • Ripley, S. D. 1947. "A Report on the Birds Collected by Logan Bennett on Nissan Island and the Admiralty Islands." Journal of the Washington Academy of Sciences 37:95–102.
  • Rothschild, et Hartet. 1914. "The Birds of the Admiralty Islands, North of New Guinea." Novitates Zoologicae 21:281–299.
  • Scheps, B., et W. Liedtke. 1992. Bibliographie deutschsprachiger kolonialer Literatur zu Quellen der Ethnographie und Geschichte der Bevölkerung von Kaiser Wilhelms-Land, dem Bismarck-Archipel und den Deutschen Salomon-Inseln 1880–1914, annotiert. Ozeanien-Bibliographie, 1. Dresden: Staatliches Museum für Völkerkunde.
  • Sclater, P. L. 1877. "Reports on the Collection of Birds Made during the Voyage of H.M.S. Challenger: III, On the Birds of the Admiralty Islands." Proceedings of the Zoological Society of London 551–557.
  • Sclater, P. L. 1881. Report of the Birds Collected during the Voyage of HMS Challenger. London: HMSO. Cum triginta "hand-coloured lithographic plates" ex imaginibus a Iosepho Smit pictis.

In litteris[recensere | fontem recensere]

  • Beresford, C. E. 1965. Legends of Manus. Melbourne.
  • Kais, Kakah, et Bernard Stephen Minol, eds. 1996. The Stories of Pokop of Pohyomou. Praefatio a Stephano P. Pokawin scripta. Port Moresby: University of Papua New Guinea Press.
  • Minol, Bernard Stephen, ed. 2000. Manus from the Legends to Year 2000: A History of the People of Manus. Papua Nova Guinea: University of Papua New Guinea Press.
  • Wilson, Barbara Ker, et Donald S. Stokes. 1980. The Turtle and the Island: Folk Tales from PNG. Sydney: Hodder Headline Australia Children's Books. ISBN 978-9980-57-025-3.

In arte[recensere | fontem recensere]

Smit, Joseph. 1860. White Naped Friarbird. Ex avibus a navi H.M.S. Challenger conlectis.

Nexus externi[recensere | fontem recensere]

  • IUCN Red List of Threatened Species. 2006. [1]
Avis Haec stipula ad avem spectat. Amplifica, si potes!