Roman numeral 10000 CC DD.svg

Pater Natalis

E Vicipaedia
Jump to navigation Jump to search
Ionathan Meath partes Patris Natalicii anno 2010 agit.
Thomas Nast Sanctum Claum anno 1881 depinxit.
Puella senem barbatum partes Patris Natalis Mobili in Alabama agentem alloquitur.

Pater Natalis,[1] sive Pater Natalicius,[2][3] sive pappus natalis,[4][5] est persona legendaria[6] in cultura Occidentali oriens, senex qui ludibria et dulciola ad pueros bene moratos[7] sed carbonem aut nihil ad pueros male moratos nocte ante diem Christi Natalis afferre dicitur, et sensu laxo benevolentiam tantum inter homines per tempus Christi Natalis repraesentare.

Secundum fabulas vulgares, Pater Natalicius, qui ad polum septentrionalem vivit et vestem rubram laciniis albis praeditam gerit, singulis annis nocte diei 24 Decembris ubique in mundo dona pueris puellisque vigiliis sanctae nativitatis bonis tradit.

Pater Natalicius, iuxta fabulas Christianas, Sanctum Nicolaum Myrensem repraesentabat. Hodie autem saepe persona Patris Natalicii ab imagine Nicolai aliquanto discrepat, speciem hominis pagani praebens.

Poemata de Patre Natalicio[recensere | fontem recensere]

Novi Eboraci anno 1821, poema auctoris anonymi apparuit cuius titulus Anglicus e primo poematis versu erat Old Santeclaus with Much Delight. Quod poema descripsit quomodo quidam "Santeclaus" trahea quam tarandus traxit veheret et vigiliis Christi natalis pueros puellasque visitaret, et illis qui bonos mores anno transacto praebuissent dona ferret.[8] Ille Santeclaus non iam dona ferabat die 6 Decembris Sancto Nicolao dedicato, sed sicut nostra aetate vigiliis Christi natalis. Imagines poema illustrantes virum praebebant similem hodierno Patri Natalicio.

Anno 1823, alius auctor anonymus publicavit poema cuius titulus est "A Visit from St. Nicholas," quod Latine reddatur "de patre natali visitante". Anno 1837 Clemens Clark Moore reclamavit se auctorem illius poematis esse; sunt autem qui Henricum Livingston iuniorem auctorem fuisse putent. Horum poematum auctores et etiam gryllorum auctor Americanus Thomas Nast imaginem hodiernam patris natalis formaverunt.

Clemens C. Moore narrat Sanctum Nicolaum sive Patrem Natalcium cum trahea tarandis tracta per mundum viare ut pueris puellisque vespere sancto dona ferat. Sunt hoc in poemate octo tarandi qui traheam trahunt, quorum nomina sunt haec: Dasher, Dancer, Prancer, Vixen, Comet, Cupid, Donder et Blitzen. Postea anno 1939 Robertus L. May libellum scripsit quo narrat patrem natalem nonum tarandum invenire nomine Rudolphus rubrinasus qui dux tarandorum fit ob suum nasum rubro colore nitentem.

Manuscriptum Clementis Clark Moore quo nomina octo tarandorum praebentur.

Nexus interni

Notae[recensere | fontem recensere]

  1. Warning icon.svg Fons nominis Latini desideratur (addito fonte, hanc formulam remove)
  2. Ebbe Vilborg. Norstedts svensk-latinska ordbok, Editio secunda anni 2009, sub voce jultomte.
  3. Davidis Morgan et Patricii Oeni Neo-Latin Lexicon (2018).
  4. Reijo Pitkäranta, Suomi-latina-suomi-sanakirja: Lexicon Finnico-Latino-Finnicum, sub voce joulupukki (Helsinki 2002).
  5. Ebbe Vilborg. Norstedts svensk-latinska ordbok, Editio secunda anni 2009 ("pappus Natalis", in quo Natalis primā litterā magnā scribitur).
  6. "Santa Claus: History, Legend, & Facts" .
  7. Krulwich, Robert. "How Does Santa Do It?". ABC News .
  8. "mentionem facit Don Foster, Author Unknown: On the Trail of Anonymous (Novi Eboraci: Henry Holt, 2000: 221–75) pro attributione nominis Old Santeclaus ad Clementem Clarke Moore". Tspace.library.utoronto.ca .

Bibliographia[recensere | fontem recensere]

Nexus externi[recensere | fontem recensere]

Vicimedia Communia plura habent quae ad Patrem Natalicium spectant.
Wiktionary-ico-de.png Vide Patrem Natalicium in Victionario.