Orestes

Latinitas nondum censa
E Vicipaedia

Vide etiam paginam discretivam: Orestes (discretiva)

Orestes[1] (Ὀρέστης) fuit filius Agamemnonis et Clytaemnestrae, frater Iphigeniae Electraeque. Cum Clytemestra coniugem e bello Troiano reversum interfecisset, Orestes ex Mycenis in Phocidem apud paternum hospitem Strophium fugit[2]. cuius cum filio Pylade educatus est. Sed postea, ut mortem patris ulcisceretur, Mycaenas revertit, ubi Clytaemnestra et eius amasius Aegisthus regnabant. Dum regina hospitem eum salutat (quod nesciebat suum se filium salutare), Orestes ob necem Agamemnonis matrem necavit et deinde Aegisthum. Propterea Erinyes matricidam sequebantur, sed populus Athenarum eum a poena solvit.

Aeschylus trilogiam Oresteam de Oreste scripsit, in qua sunt tragoediae Agamemnon, Choephorae, Eumenides.

Etiam Euripides tragoediam Orestes scripsit. Quin etiam eum in duas alias fabulas Electram et Iphigeniam in Tauris induxit.

Nexus interni

Notae[recensere | fontem recensere]

  1. Nominativus Orestēs, genetivus -ae vel -is.
  2. Aeschylus, Agamemnon 880-1ː τρέφει γὰρ αὐτὸν εὐμενὴς δορύξενος // Στροφίος ὁ Φωκεύς (verba Clytaemnestrae).

Nexus externi[recensere | fontem recensere]