Pylades

Orestes et Pylades ante Iphigeniam ut victimae producti secundum fabulam in tragoedia Euripidea Iphigenia in Tauris explicatam. Beniaminus West pinxit.

Pylades in mythologia Graeca est filius Strophii, Phociorum regis, et Anaxibiae, Agamemnonis sororis. Praecipue notus est ob amicitiam Orestae quocum eruditus est, postquam ille Aegisthum, patris Agamemnonis interfectorem, in Phocidem fugiens apud Strophium, paternum hospitem, asylum invenit. In litteris Graecis, Orestes et Pylades praeclarum amicitiae virilis exemplum fuerunt, ut Achilles et Patroclus ac Theseus et Pirithous. Certe praecipuorum Orestae inceptorum particeps fuit Pylades, ut in Euripideis tragoediis Orestes, Electra, Iphigenia in Tauris necnon in Aeschyleis Choephoris. In moderna tragoedia Iohannis Racine Andromaque quoque Pylades Orestem comitatur. Nam ubi Orestes ibi Pylades.

A plerisque auctoribus Pylades post Clytemnestrae et Aegisthi necem Electram, Orestae sororem, uxorem duxisse dicebatur. Hellanicos Mytilenensis eis duos filios dabat, Strophium et Medonem.

Fontes

• Aeschylus, Choephoroe
• Euripides, Electra, Orestes, Iphigenia in Tauris
• Hyginus, Fabulae 119, 120, 122, 257, 261.
• Sophocles, Electra

Plura legere si cupis

• William Brooks, "Pylade, ami d'Oreste, and the Critics", Seventeenth-Century French Studies, 2012ː 90-101
• H. J. Rose, "The Part of Pylades in Aeschylus' Choephoroe", The Annual of the British School at Athens, 1937ː 201-206
• Louis Roussel, "Le rôle de Pylade, dans l'« Électre » de Sophocle, est-il muet ?", Revue des Études Anciennes, 1939ː 19