Onus electricum

E Vicipaedia
Salire ad: navigationem, quaerere

Onus electricum est proprietas materiae quae magnitudinem interactionis electromagneticae inter corpora determinat. Aequaliter est proprietas materiae tangibilis et proprietas particulae minimae ex quibus omnis materia tangibilis facta est.

Unitates metiendi[recensere | fontem recensere]

Oneris electrici unitas in Systemate unitatium Internationali est Coulomb littera C denotata. Electrona habent, exempli gratia, oneris electricum −e = − 1.602 176 487(40) × 10-19 C. [1] In systemate unitatium Gaussiano, valor compar est −e = − 4.803 204 272 (120) × 10-10 Fr (vel esu).

Iampridem notum est onus electricum esse semper numerum discretum, i.e., quamlibet habere magnitudinem non potest. Qua de causa physici solent oneris electrici quantitates denotare in oneris e elementarii fractionibus. Dicitur protona habere oneris +e et quarcia +2/3 e aut −1/3 e. [2] Nonnunquam quoque simplicius dicitur protona habere oneris +1, electrona -1 et quarca +2/3 aut -1/3. Multae particulae minimae aliae etiam onus habent electricum, et particula quaeque antiparticulam habet suam cuius onus electricum est in signo contrarium.

Interactio electromagnetica quantica[recensere | fontem recensere]

Diagramma Feynmanianum interactionem electronum duorum praebens.

Onus electricum quoque est unum ex numeris quanticis quibus particulae minimae in classes distribuuntur et est proprietas quae electromagneticam inter eas interactionem definit. Theoria physica quae particularum onus electricum habentium actiones in se mutuo optime describit nominatur electrodynamica quantica, cuius abbreviatio est QED. [3] Ad vim inter electrona duo electrodynamicae quanticae praeceptis computandam necesse est multa diagrammata Feynmaniana computare, ex quibus diagramatibus primum in figura in dextera parte patet.

Notae[recensere | fontem recensere]

  1. Hic valor oneris electricum quod electronti pertinet est secundum Institutum Nationale Regulae Technologiaeque NIST.
  2. Nota bene: quarca libera nunquam est et semper intus barionum aut mesonum inveniuntur.
  3. Exempli gratia ex Latine Quantica ElectroDynamica.

Vide etiam[recensere | fontem recensere]


Atomi Haec stipula ad physicam spectat. Amplifica, si potes!