Leonardus Cohen

E Vicipaedia
Salire ad: navigationem, quaerere
Wikidata-logo.svg Leonardus Cohen
Res apud Vicidata repertae:
Leonardus Cohen: imago
Nativitas: 21 Septembris 1934; Westmount
Obitus: 7 Novembris 2016; Angelopolis
Patria: Canada
Nomen nativum: Leonard Norman Cohen

Leonardus Cohen (Monte Regio die 21 Septembris 1934 natus; Angelopoli die 7 Novembris 2016 mortuus) fuit poeta, scriptor, suorum carminum actor Canadensis cuius familia Iudaica erat.

Cohen in Universitate McGill studuit anno 1951 et primum librum poematum, Let Us Compare Mythologies ('Mythologias conferamus'), anno 1956 edidit, secundum The Spice-Box of Earth ('Gaia aromataria') anno 1961, qui auctorem primum poetam Canadae confirmavit. Novissimus liber poematum, Book of Longing ('Liber desiderii') anno 2006 publici iuris fecit.

Primam novellam suam, The Favourite Game, anno 1963 edidit, secundam (quae etiam proxima est), Beautiful Losers, anno 1966. Sunt qui has novellas inter optimas eius decadis fuisse aestiment.

Cohen etiam cantor notissimus est. Prima carmina Songs of Leonard Cohen anno 1967 nominabantur, novissima Blue Alert anno 2006. Primum carmen clarum est Suzanne. Alia carmina pulcherrima sunt Famous Blue Raincoat et Chelsea Hotel #2 et Hallelujah.

Opera eius ingeniosa atque tenebricosa sunt, quorum argumenta amore et religione abundant. Amavit multas, ut Ioanna Joplin. Saepius tamen solus fuit, utpote qui monachus Buddhisticus Zen in California esset. Anno 2003 Socius Ordinis Canadae, qui amplissima dignitate valet, factus est.

Bibliographia[recensere | fontem recensere]

Nexus externus[recensere | fontem recensere]