Iustina Greening
Patria: Britanniarum Regnum
Officium
Munus: politicus, oeconomus, scriptor
Consociatio
Iustina, vulgo Justine Greening (Rotherham in oppido Isuriae occidentalis nata die 30 Aprilis 1969) est politica Britanniae.
Iustina Greening alumna est universitatis Hantoniensis et scholae Negotii Londiniensis. A die 5 Maii 2005 legata est ad Parlamentum Britannicum pro circulo Putney Londiniensi suburbano. A die 13 Maii 2010 secretaria oeconomica iuxta Thesaurum meruit, cancellario scaccarii Georgio Osborne, sed ab 14 Octobris 2011 secretaria civica pro commeatu atque a die 4 Septembris 2012 secretaria civica pro evolutione internationali, primo ministro Davide Cameron. Die 14 Iulii 2016 secretaria ab eruditione creata est, prima ministra Theresa May. Quo officio usque ad diem 8 Ianuarii 2018 functa est, successore Damiano Hinds.
Bibliographia[recensere | fontem recensere]

- "Who's who in Theresa May's new cabinet" in The Guardian (13/14 Iulii 2016)