Carolus Franciscus Olier (marchio de Nointel)

Carolus Franciscus Olier, marchio de Nointel (natus 1635; mortuus 1685) fuit consiliarius iuxta Parlamentum Parisiense, legatus regis Ludovicus XIV apud Imperium Ottomanicum et viator. Sub titulo legati Franciae annis 1670-1673 Constantinopoli degit. Quo anno per Chium et Cyclades iter incepit ad Hierosolyma, unde per Smyrnam ad Constantinopolim anno 1675 reditus est. Cum eo iter fecerunt Antonius Galland orientalista, Iacobus Carrey et Arnoldus de Vuez delineatores, Antonius Des Barres, Cornelius Magni, alii satis multi.

Montem Iovis Melosii, insulae Naxi cacumen, die 24 Novembris 1673 conscendit inscriptionemque rupestrem iuxta fastigium exarare curavit:

EX HOC VERTIGE MONTIS IOVIS MELOSII MARIS AEGAEI CIRCUMIACTAS INSULAS LX NUMERABAT CAR. FRANC. OLIER MARQUIS DE NOINTEL IMP. GALL. LEGATUS XIV NOV. MDCLXXIII

Cavernam insulae Antipari exploravit intusque per aliquot dies habitavit. Eucharistiam ima caverna media nocte diei Christi natalis, 25 Decembris 1673, celebrari iussit et inscriptionem ibi fecit:

HIC IPSE CHRISTUS ADFUIT EIUS NATALI DIE MEDIA NOCTE CELEBRATO MDCLXXXIII

Bibliographia

Scripta marchionis de Nointel

• H. Omont, "Relation de la visite du marquis de Nointel à la grotte d'Antiparos" in Bulletin de géographie historique et descriptive (1892 no. 4) pp. 394-425

Opera aliorum

• Antoine Des Barres, L'Estat présent de l'Archipel. Lutetiae, 1678 Textus apud Gallica
• Cornelio Magni, Quanto di più curioso e vago hà potuto raccorre Cornelio Magni nel secondo biennio da esso consumato in viaggi, e dimore per la Turchia. Parmae, 1692 Textus apud bibliothecam nationalem Bavariensem (Textus apud Google Books)
• Ch. Schefer, ed., Journal d'Antoine Galland pendant son séjour à Constantinople 1672-1673. 2 voll. Lutetiae: Ernest Leroux, 1881 vol. 1 vol. 2
• Albert Vandal, L'Odyssée d'un ambassadeur. Les voyages du marquis de Nointel, 1670-1680. Lutetiae: Plon, 1900 Textus apud archive.org
• Eugene Vanderpool, "The Marquis de Nointel in Naxos, A. D. 1673" in Hesperia vol. 46 (1977) pp. 257-258 JSTOR