Avicenna

E Vicipaedia
Salire ad: navigationem, quaerere
Avicenna in manuscripto anni 1271 depictus.

Avicenna (Persice/Arabice: أبو علي الحسین ابن عبدالله ابن سینا abū ‘alī al-ḥusayn ibn ‘abd allāh ibn sīnā) (natus anno 980 prope Bocharam; mortuus Ecbatanis anno 1037) fuit medicus, physicus, philosophus, iuris prudens, mathematicus, astronomus, alchemista Persicus.

Vita[recensere | fontem recensere]

Maiores Asiae Mediae et Australis regiones politicae annum circiter 1000.

Avicenna natus est anno 980 in urbe Afsana prope Bocharam, quae tunc pars erat Imperii Persici Samanidarum. Quamquam pater eius, qui Bactris ortus erat, Sectam Siiticam septenariam sequebatur, Avicenna se ipse Siitam duodenarium confitebatur. Bocharae iustitia, logica, philosophia, religione islamica, et deinde medicina educatus, duodeviginti annos natus ibi servitium iniit regum Samanidarum, qui ei bibliothecae suae copiam fecerunt. Patre anno 1002 defuncto et imperio Samanidarum eodem fere tempore everso, Avicenna patria sua decessit et Mamunis Chorasmiae principis servitium iniit. Hinc annum circiter 1008, ne Machometo Ghasnavidae servire cogeretur, profectus, annos subsequentes per terras Persicas circumiit. Anno 1012 Qabum Hyrcaniae regem petiit, quem ut se ipsum litteris et scientiae devotum esse audiverat. Qabo mox quidem a rebellibus interfecto, ibi tamen ob gravem morbum moratus amicitiam fecit cum Sorsano iuvene, quem sibi discipulum adiunxit. Postea in urbe Rhagis consedit, ubi opera sua Canonem Medicinae et Sanationem coepit. Tum iit Ecbatana, ubi servivit amiralem Samsud-Dawahla et factus est vezirus. Postquam Avicenna a militibus amiralis invidiae causa fugatus est, iit in urbem Aspadana, et postea, anno 1037, de vita Ecbatanis decessit.

Opera praecipua[recensere | fontem recensere]

  • Liber primus Naturalium. Tractatus primus. De causis et principiis naturalium Louvain: Peeters Publishers 1992.
  • Liber primus Naturalium. Tractatus secundus. De motu et de consimilibus Louvain: Peeters Publishers 2007.
  • Liber tertius Naturalium De generatione et corruptione Louvain: Peeters Publishers 1987.
  • Liber quartus Naturalium De actionibus et passionibus qualitatum primarum Louvain: Peeters Publishers 1989.
  • Liber de anima, seu Sextus de naturalibus I-III Louvain: Peeters Publishers 1972.
  • Liber de anima, seu Sextus de naturalibus IV-V Louvain: Peeters Publishers 1968.
  • Liber de Philosophia prima sive scientia divina. I-IV Louvain: Peeters Publishers 1977.
  • Liber de Philosophia prima sive scientia divina. V-X Louvain: Peeters Publishers 1980.
  • Liber de philosophia prima sive scientia divina.Tractatus I-X. Lexiques Louvain: Peeters Publishers 1983.
  • Codices Louvain: Peeters Publishers 1994. Codices descripsit M.-T. d'Alverny. Addenda collegerunt S. Van Riet et P. Jodogne
  • Canon medicinae (القانون في الطب al-qānūn fī-l-ṭibb)
  • Flores Avicenne: Roma: Claude Davost alias de Troys, Bartholomeus Trot, 1508
  • Sanatio (الشفاء aš-šifā’)

Nexus externi[recensere | fontem recensere]

Commons-logo.svg Vicimedia Communia plura habent quae ad Acivennam spectant.


David's face Haec stipula ad biographiam spectat. Amplifica, si potes!

Mille Paginae.png