Augustinus Richardson

E Vicipaedia
Jump to navigation Jump to search

Augustinus / Austin Richardson (natus die 21 Octobris 1843 in Amugnoabah apud Bombainum, mortuus die 20 Augusti 1913 Bosseti) abbas, sacerdos catholicus et magister linguae Anglicae Anglus fuit. Insuper anno 1910 primus praeses Unionis Internationalis Esperantistarum Catholicorum creatus est.

Vita[recensere | fontem recensere]

Parentes eius adhuc Anglicanismo adhaerebant. Patre subito mortuo - munere medici militaris functus erat - mater Catharina Ioanna Boye Cocheteux mox Angliam repetivit. Cum annos XXI natus est Augustinus catholicam fidem accepit, anno 1873 vel sacerdos ordinatus est. Nonnullos menses ante sacerdotium magister in schola elementari Instituti Sancti Ludovici factus est. Tunc multam operam dabat in rebus interchristianis promovendis, praesertim ad conciliandos Anglicanos cum fide catholica. Facem pacifismi in altum tollebat et vetulus motionis Esperanticae ideas pacificas ardue defendebat diffundebat dissipabat.

Contagio Esperanticorum[recensere | fontem recensere]

Quando Bernae anno 1913 Congressum universalem Universalis Societatis Esperanticae (IKUE) celebratum frequentaturus fuit, paucos dies apud Mariam Milsom degebat ad res congressus parandas. Illa femina ad cathoilcismus conversa erat argumentis Esperanticis auxiliantibus: ibi morans ex inopinatu Augustinus mortuus est. Missa defunctiva Bernae die 19 Augusti celebrata Ludovicus Lazarus Zamenhof ipse participatus est.

Richardson motioni catholicae Esperanticae variis modis inserviebat. Praeses fuit et IKUE et Associationis esperantistarum catholicorum Belgicae (Belga Katolika Ligo Esperantista), moderatus est periodicum Espero Katolika, propraeses Associationis Esperanticae Belgicae (Belga Ligo Esperantista) creatus est. Cantabrigiae anno 1907 in Congressu universali homeliam habuit lingua Esperantica, quod paulo ante a papa permissum erat. Linguam Esperanticam pluries et animose adversus assectatores linguae Ido defendebat.

Nexus extern[recensere | fontem recensere]