Archangelus

E Vicipaedia
Archangelus Gabriel nuntiat graviditatem Virgini Mariae. 'Nuntius (ab El Greco pictus)

Archangeli (Graece ἀρχάγγελοι. angelorum praefecti) sunt in religionibus Iudaica, Christiana et Islamica spiritus angelici, qui dei nuntios afferunt, vel angelorum maximi.

Testimonia[recensere | fontem recensere]

In Bibliis ipsis (Epistula Iudae. 9) solus Michael archangelus nominatus est. Gabriel (Prophetia Danielis. 8:16, 9:21 et Evangelium secundum Lucam. 1:19, 1:26) et Raphael (Liber Tobiae, 12:15) angeli nominati sunt, Raphael unus septem angelorum praecipuorum; sed et ii ab omnibus archangeli putantur.

Liber IV Esdrae etiam archangelos Urielem et Ieremielem describit. Liber Enoch praeter Michaelem, Gabrielem, Raphaelem et Urielem etiam tres archangelos nominat: Raguel. Saracael et Remiel. Amadeus Lusitanus[pt] tres reliquos Selaphiel, Iehudiel, Varachiel nominat; quibus septenis nonnullae ecclesiae catholicae dedicatae sunt.

Pseudo-Dionysius Areopagita in libro de caelesti hierarchia, ubi ordines angelorum enumerat, angelos ordinem primum (i.e. infimum), archangelos secundum esse docet.

Index Archangelorum[recensere | fontem recensere]

  • Michael (nomen significat Quis est ceu deus?).
  • Gabriel (nomen significat Potentia mea est deus vel Heros meus est deus)
  • Raphael (nomen significat Deus sanavit)
  • Uriel (nomen significat Lux mea est Deus)

Lucifer interdum archangelus propter peccata de caelo deiectus putatur.

Religio Islamica[recensere | fontem recensere]

Religio Islamica quattuor angelos praecipuae potentiae, Arabice الْمُقَرَّبُونَ‎ , mukarrabun, novit. Hi sunt Gibril (Gabriel), Mikail (Michael), Azrail (Israel) et Izraphil (Raphael).

Nexus interni[recensere | fontem recensere]

Nexus externi[recensere | fontem recensere]

Vicimedia Communia plura habent quae ad archangelos spectant.
  • Encyclopaedia Universalis (Francogallice)