Anscharius Wilde

E Vicipaedia
Salire ad: navigationem, quaerere
Anscharius Wilde
Oscar Fingal O' Flahertie Wills Wilde
Anscharius Wilde
Anscharius Wilde anno 1889. Opus D. Downey
Natus 16 Octobris 1854
Eblanae
Obiit 30 Novembris 1900
Lutetiae

Anscharius Wilde, plenius Anscharius Fingal O'Flahertie Guilelmus Wilde (Anglice: Oscar Wilde), fuit scriptor et poeta linguae Anglicae. Scripsit enim compluras fabulas, carmina, praeclaros ludos scaenicos et mythistoriam quamdam, anglice The Picture of Dorian Gray, celeberrimam operum suorum. Praeter autem auctorem ingeniosum eum etiam propugnatorem aesthetismi motus contra turpitudinem nobilitatis historia nobis tradidit. Etenim ipse Wilde sententiam de aesthetismo praebuit id appellans "assertionem absolute modernae venustatis", nec minus vero vitam suam eo moderatus est.

De vita[recensere | fontem recensere]

Natus in Hibernia anno 1854 a Willelmo Wilde et Jane Francesca Elgee, studuit in schola Eblanae Trinity College appellata, dein autem merito ad Oxoniae universitatem studia augendi causa missus est. Priusquam carmina aut fabulas scribere inciperet iam doctus Latini ac Graeci sermonis fuit, cum se nonnullis certaminibus confectis superbum versorem esse ostenderet. Etiamdum iuventutem agens per Americam ad orationes de venustate atque de gaudenter vivendo conficiendas itinera fecit, sibi apud fere omnem societatis partitionem famam praebens. De ludis scaenicis post annum 1880 scriptis, qui acti sunt in theatris Anglicis Americanisque, ei gloria pervenit, sed invidia una cum ea. Propter suum mollem modum vivendi atque mordaces sententias quas in turpes dissolutesque mores Anglicae nobilitatis dixerat, Wilde calumniose petitus ac insimulatus est. Anno 1895 post causam crimine homophylophiliae damnatus est ad carcerem, ubi asperum biennium manere debuit. Poena igitur exhausta, in Europa et praecipue in Italia Franciaque peregrinatus est. Obiit Lutetiae anno 1900, quadragesimum septimum annum agens.

Aphorisimi[recensere | fontem recensere]

Wilde scripsit complures acutos aphorismos, eos libenter ferens de moribus, de arte, de vita et de amore. Sententiarum istarum alteras in ludis scaenicis, alteras in fabulis invenimus. Hi quidam aphorismi quos scripsit:

  • "Omnes quaerunt quid sit secretum vitae: vero secretum vitae ars."
  • "Quod rarissimum in orbe vivere: permulti tantum exstant."
  • "Ingenio maxumo in vita, in operibus autem tantum studio usus sum."
  • "Est tyrannus qui corpus excruciat, qui animam, qui utrumque corpus animamque: primus princeps, secundus Papa, tertius autem populus appellatur."
  • "Experientia nomen quod homines erroribus suis dant."
  • "Religio quaedam finem habet ubi demonstretur eam veram esse. Scientia enim inventarium religionum mortuarum."

Opera[recensere | fontem recensere]

Anscharius Wilde Novi Eboraci anno 1882, pictus ab Napoleone Sarony (18211896)

Carmina[recensere | fontem recensere]

Ludi scaenici[recensere | fontem recensere]

Cum anno primae praesentationis

Fabulae[recensere | fontem recensere]

Commentationes[recensere | fontem recensere]

  • Intentions (1891)
  • The Soul of Man under Socialism (1891 in diurno Pall Mall Gazette, 1904 edita)
  • De Profundis (1905)
  • The Rise of Historical Criticism (partim 1905; textus completus 1908)
  • The Letters of Oscar Wilde (1960; editio aucta 2000)

Opera suppositicia[recensere | fontem recensere]

Bibliographia[recensere | fontem recensere]

Nexus externi[recensere | fontem recensere]

Commons-logo.svg Vicimedia Communia plura habent quae ad Anscharium Wilde spectant.