Abas (Argos)
Abas (Graece: Ἄβας) in mythologia Graeca est rex decimus quartus urbis Argorum, filius Lyncei (filii Aegypti) et Hypermestrae, nepos Danai et avus Danaës. Igitur est filius solius Danaidis, quae coniugem nocte nuptiarum non necavit.
Ex Aglaea coniuge (sive Ocalia) geminos Acrisium Proetumque genuit nec non filiam Idomenen. Abantis scutum, quem a patre Lynceo acceperat, vi magica ad populum sedandum praeditum esse traditur. Bello Troiano in Aeneae manus pervenit.
Ubi in Phocidem emigravit Abas conditurus, regnum inter filios divisit. Acrisius Argos, Proetus Tirynthem accepit. Secundum Strabonem etiam Argos Pelasgum in Thessalia condidit. Secundum Eusebium Caesariensem primo Proetus Argos rexit, qui postea a fratre suo fugatus est.
Fontes
[recensere | fontem recensere]- Apollodori bibliotheca, 2, 24; 2, 27.
- Hesiodus, Ehoeae, 129, 3; 135, b; 135, 2.
- Pausanias, Descriptio Graeciae, 2, 12, 2; 2, 16, 2; 2, 25, 5; 3, 13, 8; 10, 35, 1.
- Strabo, Geographica, 431.
- Vergilius, Aeneis, 3, 286.
- Oxoniae: Merton MS, fol. 40r
Bibliographia
[recensere | fontem recensere]- Johannes Toepffer: Abas 3). In: Paulys Realencyclopädie der classischen Altertumswissenschaft (RE). Vol. I,1, Stuttgardiae 1893, Col. 18–19.
- Roscher: Abas 1). In: Wilhelm Heinrich Roscher (Ed.): Ausführliches Lexikon der griechischen und römischen Mythologie. Vol. 1,1, Lipsiae 1886, Col. 1 (in interrete)
 |