Theudebertus I

E Vicipaedia
Salire ad: navigationem, quaerere

Theudebertus I (natus circa annum 500, mortuus 547 aut 548 fuit rex Francorum ab anno 534 ad usque mortem. Fuit filius Theuderici I et iam patre regnante bello contra Visigothos excellebat. Post mortem patris anno 534 regnum Austrasiae suscepit, partem orientalem regni Francorum. Suo et rege Childeberto I, qui primo, post mortem Theuderici, regnum Theudeberti occupare in animo habuerat, duce Franci anno 539 precibus Iustiniani imperatoris Romani, qui tum bellum Gothicum movit, Osthrogothos in Italia aggressi sunt et terras maximas in Gallia meridionali et Italia septentrionali expugnaverunt. Anno 547 exeunte aut 548 ineunte mortuus est. Filius eius ex uxore secunda Deuteria, Theudebaldus, rex Austrasiae ei nullo resistente successit.