Palatium Victoria (Bucaresta)

Palatium Victoriae^? (Dacoromanice Palatul Victoria) est aedificium in sectore 1 Bucarestae urbis situm, sedes consilii ministrorum Romaniae.

Historia

Palatium Victoria a Foro Victoria nomen accepit. Ab anno 1937, prope Palatium Sturdza, tum sedes ministerii rerum externarum, modo neoclassico aedificabatur. Architectus fuit Duilius Marcu. Anno 1944 aedificium perfectum fuit, sed eodem anno bombis damno affectum est, cum aëroplana Germaniae die 24 Augusti Bucarestam aggrederentur. Pridie Michael rex Romaniae Ioannem Antonescu praesidem ministrorum deposuerat et foedus cum Germania finiverat. Die 25 Augusti, Romania Germaniae bellum indixit. Impetu Germanorum Palatia Sturdza et Victoria damno afflicta sunt. Palatium Sturdza anno 1946 destructum est, sed Palatium Victoria ad usque annum 1952 modo simpliciore refecta est. Nam pro marmore travertinum in parietibus externis affectum est. Ex anno 1952, consilium ministrorum et ministerium rerum externarum sedes in hoc aedificio habet. Ex anno 1990 sedes praesidis ministrorum Romaniae est.

Nexus externi

Vicimedia Communia plura habent quae ad Palatium Victoriae spectant.

• Pagina de palatio Victoria in situ interretiali consilii ministrorum Romaniae.
• De Palatio Victoriae apud bucuresti.wikia.com.
• De Palatio Victoriae in enciclopediaromaniei.ro.
• De praesidio rei publicae in Wikimapia.^?