Paeninsula Venedica
Paeninsula Venedica[1] (Theodisce Frische Nehrung), quae in Polonia nunc lingua terrae Vistulensis[2], in Russia lingua terrae Baltica[3] nominatur, est lingua terrae harenosa longissima, quae lacunam Recentem a sinu Venedico maris Baltici separat. In Borussia Orientali regione historica sita erat, nunc in palatinatu Warmiae et Masuriae Polonico et regione Calininopolitana Russica sita est. Krynica Morska et Piaski (Harenae) vici Polonici in lingua sitae sunt.
Longitudo linguae 65 chm est, quorum 35 chm in Russia et 30 in Polonia sunt. Latitudo minima 800 m, maxima 1,8 chm. Silvis et thiniis operta est.
Ab oriente fretum Pillaviense, anno 1510 a tempestate marina creatus, a Pillavia urbe paeninsulam Venedicam separat. In parte paeninsulae occidentali anno 2022 canalis navigabilis aedificatus est (ideo nunc pars paeninsulae maior insula nec paeninsula est).
Notae[recensere | fontem recensere]
- ↑ Ioannes Ernestus Volbeding(d), Kurzgefasstes lateinisch-deutsches und deutsch-lateinisches Handwörterbuch, ipsiae 1841, p. 443.
- ↑ Polonice Mierzeja Wiślana.
- ↑ Russice Балтийская коса.
Nexus externi[recensere | fontem recensere]
|
Situs geographici et historici: Locus: 54°24′0″N 19°30′0″E • GeoNames |