Ludi Victoriae Sullanae

Denarius M. Nonii Sufenatis circa 59 a.C.n. signatus. Ex una parte caput dei Saturni et litterae SVFENAS S.C. Ex altera Victoria Syllam in armorum acervo sedentem coronans et litterae SEX NONI PR(aetor) L(udos) V(ictoriae) P(rimus) F(ecit).

Ludi Victoriae Sullanae primum anno 81 a.C.n. celebrati sunt per septem dies a 26 Octobris usque ad 1 Novembris ut proelium iuxta Portam Collinam die 1 Novembris 82 a.C.n. feliciter pugnatum deae Victoriae dicarent. Qui ludi etiam Augusto imperatore annuatim celebrabantur. De eis nos certiores facit denarius iussu M. Nonii Sufenatis anno 59 a.C.n. in honorem patris Sexti Nonii Sufenatis percusso qui primus annos 81 a.C.n. tum cum praetor erat eos celebravit.

Fontes

• Velleius Paterculus, Historiae 2.27.6
• CIL I (2) 333
• Cicero, Orationes Verrinae 1.31

Bibliographia

• "Victoria" in C. Daremberg, E. Saglio, edd., Dictionnaire des antiquités grecques et romaines (Lutetiae, 1877-1919. 10 voll. Textus)
• J. Carcopino, Sylla ou la monarchie manquée pp. 116-117
• H. B. Mattingly, "The denarius of Sufenas and the Ludi Victoriae" in Numismatic Chronicle vol. 16 (1956) pp. 189-203
• J.-Cl. Richard, "La victoire de Marius" in Mélanges d'archéologie et d'histoire vol. 77 (1965) pp. 69-86 (vide p. 69 n. 2)

De hac re nexus intervici usque adhuc absunt. Adde, si reppereris.