Lucius Calpurnius Piso Pontifex
Lucius Calpurnius Piso Pontifex (natus anno 48 a.C.n., mortuus anno 32 p.C.n.[1]) senator Romanus fuit. Pater eius Lucius Calpurnius Piso Caesoninus fuit. Anno 15 a.C.n. consulatum ordinarium gessit, paulo post proconsul ignotae provinciae factus est. Annis 13 ad usque 11 a.C.n. Pamphyliam administravit. Tum legatus Augusti in Thracia certavit et ornamenta triumphalia accepit[2]. Ab anno 13 Calpurnius - amicus et Augusti et Tiberii - ad usque mortem praefectus urbi Romae fuit, censorio funere insuper honoratus[3]. Quintus Horatius Flaccus ei artem poeticam dedicavit[4]. Patronus fuit poetae Graeci Antipatri Thessalonicensis. Calpurnia filia Lucio Nonio Asprenati, consuli suffecto anni 8 nupsit.
Notae[recensere | fontem recensere]
- ↑ Dio Cassius 58.19.
- ↑ Dio Cassius 54.34.
- ↑ Dio Cassius 58.19.
- ↑ Der Neue Pauly, Stuttgardiae 1999, T. 2, c. 947
| Antecessores: Lucius Domitius Ahenobarbus et Publius Cornelius Scipio |
Consul 15 a.C.n. cum Marco Livio Druso Libone |
Successores: Marcus Licinius Crassus Frugi et Gnaeus Cornelius Lentulus Augur |