Iulapium e mentha
Iulapium e mentha[1] (Anglice mint julep) est potio mixta, saeculo XIX in Civitatibus Foederatis requisitissima, e mixturis antiquioribus salutaribus derivata: iulapium enim est potio medicinalis.[2]
Iulapium e mentha iam anno 1809 ab Washington Irving potionem solitam Neo-Eboracensium fuisse asseveratur: "incolae famose ope iulapii e mentha spiritusque malorum inebriati gaudire solebantur".[3]
Annis 1820/1830 Novi Eboraci apud City Hotel a pincerna "immortali" Orsamo Willard proponi solebat.[4] Carolus Augustus Murray, peregrinationes suas narrans, iulapium e mentha "potionem" esse ait "quae propius ad nectarem appropinquatur quam ulla antehac a me aut gustata aut figurata".[4] Auctor Thomas Mayne Reid anno 1856 confectionem iulepis e mentha a pincerna pontonis Mississippiensis descripsit:
- He lifted the glasses one in each hand, and poured the contents from one to the other, so rapidly that ice, brandy, lemons, and all, seemed to be constantly suspended in the air, and oscillating between the glasses. The tumblers themselves at no time approached nearer than two feet from each other! This adroitness, peculiar to his craft, and only obtained after long practice, was evidently a source of professional pride ("Cyathis ambobus manibus sublevatis, impensa ab alio in alium infudit tam rapide ut glacies spiritusque vini limoniaque omniaque continuo aëre suspensa et inter cyathos oscillantia videbantur. Qui cyathi nunquam propius quam duobus pedibus [60 cm] sibi appropinquabant. Haec peritia, illae arti propria, post longas experientias nacta, superbiam professionis sui producere videbatur").[5]
Francisca Trollope in mythistoria anno 1849 divulgata iulepium e mentha laudavit.[6]
Praeceptum his verbis a Murray datur: wine [Madeira or claret] mingled in a tumbler with a soupçon of French brandy, lime, and lemon, ice pulverised by attrition, and a small portion of sugar, the whole being crowned with a bunch of fresh mint ("vinum aut Maderense aut Burdigalense in scypho mixtum cum inspersione spiritus vini Francici, lumia, limonio, glacie attrita, saccari modico, quod omne fasciculo menthae viridis incoronatur").[4] Sed Francisca Trollope loco "inspersionis" spiritus vini "totum poculum" vischii praecepit,[7] Mayne Reid haud dissimiliter (sed alio spiritu) "impensum cyathi magni spiritus Cognacensis"; ambo vinum omittunt; Mayne Reid insuper addit modicum suci ananae ultimis momentis expressi.[5]
Notae[recensere | fontem recensere]
- ↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
- ↑ Vide e.g. Arnaldi de Villa Nova Regimen sanitatis ad regem Aragonum annis 1305/1308 scriptum (editio 1474)
- ↑ The inhabitants . . . were notoriously prone to get fuddled and make merry with mint julep and apple toddy: Washington Irving, History of New York (1809) vol. 2 p. 180 fide The Oxford English Dictionary (Oxonii: Clarendon Press, 1989. 20 voll.)
- ↑ 4.0 4.1 4.2 The immortal Willard . . . A beverage approaching more nearly to nectar than any that I had ever tasted or imagined: Murray (1839)
- ↑ 5.0 5.1 A large glass measure of cognac: Reid (1856) vol. 2 p. 167
- ↑ Trollope (1849) vol. 1 pp. 318-319
- ↑ A whole wine-glass full of whiskey: Trollope (1849) vol. 1 p. 319
Bibliographia[recensere | fontem recensere]
- Fontes antiquiores
- 1839 : Charles Augustus Murray, Travels in North America during the years 1834, 1835, & 1836 (2 voll. Novi Eboraci: Harper, 1839) vol. 1 57
- 1849 : Mrs Trollope, The Old World and the New (3 voll. Londinii, 1849) (vol. 1) (2) (3 apud Google Books)
- 1856 : Thomas Mayne Reid, The Quadroon, or A lover's adventures in Louisiana (3 voll. Londinii: G. W. Hyde, 1856; Vol. 1 2 3 apud Internet Archive) vol. 2 pp. 163-180
- c. 1890? : Joshua Soule Smith, "The Mint Julep" Textus plenus?
- 1939 : Charles H. Baker Jr, The Gentleman’s Companion, Volume II: being an exotic drinking book (Novi Eboraci: Derrydale Press) pp. 61-69
- Recentiora
- Derek Brown, "The Mint Julep: 'The Very Dream of Drinks'" in The Atlantic (30 Aprilis 2010)
- Richard Barksdale Harwell, The Mint Julep. Charlottesville: University Press of Virginia, 1975
- David Wondrich, Imbibe! From Absinthe Cocktail to Whiskey Smash, a Salute in Stories and Drinks to "Professor" Jerry Thomas, Pioneer of the American Bar (2a ed. Novi Eboraci: Perigee, 2015) cap. 1-2
- David Wondrich, "Julep" in David Wondrich, Noah Rothbaum, edd., The Oxford Companion to Spirits and Cocktails (Novi Eboraci: Oxford University Press, 2021. ISBN 978-0-19-931113-2) pp. 90-92
- Praecepta
- 1911 : George R. Washburne, Stanley Bronner, Beverages de luxe (Louisville: Wine & Spirit Bulletin) "Kentucky mint julep"
Nexus externi[recensere | fontem recensere]
- "The Mint Julep: The Very Dream of Drinks"
- "The Great Gatsby; Mint Julep" (2013/2021) apud InLiterature
- Tori Avey, "Why We Drink Mint Juleps at the Kentucky Derby" (2015)