Civitas provectibilis

E Vicipaedia
Salire ad: navigationem, quaerere

Civitas provectibilis est terra quae talem oeconomiae civilisque progressionis gradum nondum aut parum consecuta est, qui civium vitae condicionibus materialibusve vivendi rationibus satisfaciat. Indicia huiusmodi paupertatis sunt PDG humilis, Index Evolutionis Humanae, inopia plurimorum civium, mancus eruditionis publicaeque institutionis gradus (praesertim legendi et scribendi ignorantia), publicae sanitatis impedimenta (praesertim magna infantium letalitas), nativitas oeconomia nationali superior. Talibus civitatibus saepe etiam libertatis et aequalitatis et mutuae fiduciae aura deesse aut parum adesse videtur; itaque fieri potest ut hae terrae vix umquam (aut nondum) democratiam degustaverint.

Civitates provectibiles vulgo simpliciter terrae pauperes appellari possunt, sed constat omnes civitates pauperes non esse provectibiles, id est: tales quae ad meliores vitae condiciones infrastructurasque auxilio internationali (exampli gratia, ab Argentaria Mundana vel Oorganizatione co-operationis oeconomicae evolutionisque) et opera consociata provehi possint.