Zika virus

E Vicipaedia
Salire ad: navigationem, quaerere
Zika virus
Micrographema electronicum viri Zikani. Particulae virales sunt 40 nanometra per diametrum, involucro externo internoque nucleo denso. Fons: Centers for Disease Control and Prevention
Classificatio viri
Grex: Grex IV ((+)ssRNA)
Familia: Flaviviridae
Genus: Flavivirus
Species: Zika virus

Zika virus est virus generis Flaviviri familiae Flaviviridarum, quod per culicidas generis Aedis interdiu volantes, praecipue specierum Aedis aegypti et Aedis albopicti, transmittitur. Nomen ex silva Zika in Uganda venit, ubi virus primum detectum est anno 1947.[1]

Contagio, febris Zika appellanda,[2] saepe indicia nulla vel mitia exhibens, ex annis 1950, intra angustam zonam aequatorialem ab Africa ad Asiam migravisse nota est. Anno autem 2014, virus ad orientem trans Oceanum Pacificum ad Polynesiam Francicam, tum ad Insulam Paschalem et anno 2015 ad Mexicum, Americam Mediam, Mare Caribicum, et Americam Australem extentum est, ubi eruptio Zika viri pandemicos attigit gradus.[3]

Zika virus viris febris dengue, febri flavae, encephalitidis Iaponiensis, et Nili Occidentalis, viris morborum gravissimorum, cognatus est.[4] Morbus autem, quem efficit, formae miti febris dengue similis est,[4] et curatur enim quiete tantum,[5] a medicamentis autem vel vaccinis nondum prohiberi potest.[5] Probabilis est nexus a febri Zika ad microcephaliam in infantibus recentibus natis per transmissionem a matre ad infantem,[6][7][8] possibilis etiam maior nexus cum statibus neurologicis in adultis infectis, inter quos casus syndromae Guillain–Barré.

Olympia aestiva 2016[recensere | fontem recensere]

Die 27 mensis Maii 2016 in epistula publica[9] ad Ordinem Mundi Sanitarium 150 periti pericula diffusionis monebantque postulabant Olympiam aestivam 2016 Urbis Fluminensis ad alterum temporis punctumve locum dilativa iri.

Nexus interni

Notae[recensere | fontem recensere]

  1. "ATCC Product Sheet Zika virus (ATCC® VR84TM) Original Source: Blood from experimental forest sentinel rhesus monkey, Uganda, 1947." .
  2. Cf. Hispanice Fiebre del Zika, Anglice Zika fever
  3. McKenna 2016.
  4. 4.0 4.1 "Zika virus infection" 
  5. 5.0 5.1 "Symptoms, Diagnosis, & Treatment". Zika Virus. DVBD, NCEZID, Centers for Disease Control and Prevention 
  6. Aguilar 2016.
  7. Oliveira et al. 2016.
  8. "Epidemiological update: Outbreaks of Zika virus and complications potentially linked to the Zika virus infection". European Centre for Disease Prevention and Control. 
  9. http://rioolympicslater.org/

Bibliographia[recensere | fontem recensere]

Aedes aegypti predicted distribution
Praedicata Aedis aegypti distributio per orbem terrarum - Tabula probabilitatem depingit casuum: caeruleus = nihil, ruber = plurimi casus
Impetigo in bracchio propter virum Zikanum

Nexus externi[recensere | fontem recensere]

Commons-logo.svg Vicimedia Communia plura habent quae ad Zika virus spectant.
Wikispecies-logo.svg Vide Zika virus apud Vicispecies.