Thespiae

E Vicipaedia
Jump to navigation Jump to search

Thespiae (Graece: Θεσπιαί) fuit polis Boeotiae inter Thebas et montem Heliconem sita.

Historia[recensere | fontem recensere]

Locus, ubi postea Thespiae ortae sunt, iam a Neolithico inhabitatus erat. Cum Persae Graeciam anno 480 a.C.n. invaderent, Thespiae sola Boeotiae civitas praeter Plataeas erant, quae recusaverunt, ne tributum penderent[1]; 700 homines Leonidae in Pugna ad Thermopylas promptos praebuit (480 a.C.n.[2]), quare Persae poenae genere ambo urbes deleverunt[3]. Thespiae postea ab Atheniensibus reaedificatae sunt. Iterum deletae sunt inter annos 373 a.C.n.-367 a.C.n. a vicinis Thebanis.

Medio Aevo quidam vici loco Thespiarum antiquarum exstiterunt (sicut Eremocastrum, Ascra, Palaeoneochorium). Erimocastrum diu sedes episcopalis remanebat. Turcis regnantibus incolae in Novum Erimocastrum (Thespias hodiernas) translati sunt. Anno 1802 loco Thespiarum antiquarum adhuc tres domus erant, quae postea relictae sunt. Hodie locus domibus caret.

Cultus[recensere | fontem recensere]

Thespiis praecipue deus Eros ac Musae colebantur, in quorum honorem ludi dati sunt. Notissima autem erat Erotis statua a Praxitele confecta, quae magnum visitatorum numerum in urbem allexit. Imperator Caligula statuam Romam vehi iussit.

Thespiae hodiernae[recensere | fontem recensere]

Civitas antiqua nomen Thespiis hodiernis dedit, quae usque ad annum 1934 Eremocastrum sive Remocastrum appellatum erant[4]. Thespiae usque ad annum 2010 erat demus, nunc est pars (δημοτική ενότητα, i.e. "unitas popularis") Haliarti demi.

Notae[recensere | fontem recensere]

  1. Herodotus, Historiae 7,132.
  2. Herodotus, Historiae 7,102.
  3. Herodotus, Historiae 8,50.
  4. http://pandektis.ekt.gr/pandektis/handle/10442/170168

Bibliographie[recensere | fontem recensere]

  • John Bintliff / Phil Howard / Anthony Snodgrass (2007): Testing the hinterland. The work of the Boeotia survey (1989-1991) in the southern approaches to the city of Thespiai. MacDonald Institute Monographs, Cambridge Mac Donald Institute.
  • W. M. Leake (1835): Travels in Northern Greece. Londinii.
  • Paulus Roesch, Thespies et la confédération béotienne. Parisiis : E. de Boccard, 1965.

Nexus externi[recensere | fontem recensere]

  • Commentatio "Thespies" in: Richard Stillwell (ed.), The Princeton Encyclopedia of Classical Sites, Princeton University Press, Princeton (NJ), 1976, in interrete