Coordinata: 38°21′10″N 22°49′21″E / 38.35278°N 22.8225°E / 38.35278; 22.8225

Helicon

E Vicipaedia
Jump to navigation Jump to search
Helicon
Helikonmountainascent.JPG
Ascensus montis Heliconis
Altitudo (m) 1749
Coordinatae 38°21′10″N 22°49′21″E / 38.35278°N 22.8225°E / 38.35278; 22.8225
Locus Boeotia
Typus
Ascensus primus
Via

Helicon[1] (Palaeograece Ἑλικών, Neograece Ελικώνας) est mons Boeotiae, vel series montium, inter oram borealem sinus Corinthiaci et lacum Copaidem situs, Thespiis et Parnaso vicinus, silvis ac fontibus plenus, apud antiquos Musis sacer.

Musae colebantur in valle vel nemore Musarum, ad meridiem oppiduli Ascrae, ubi Thespii Musea certamina celebrabantur. Super hoc nemus est Hippocrene fons, quem poëtae fabulantur ictu ungulae equi Pegasi factum esse.

Hesiodus, Ascrae natus, fertur se in Helicone artem poëticam a Musis didicisse. Sic montem in primis versibus Theogoniae commemorat:

A Musis Heliconiadibus incipiamus canere,
quae Heliconis habitant montem magnumque divinumque,
atque circa fontem nigrum pedibus teneris
saltant, et aram praepotentis Saturnii,
atque ablutae tenerum corpus aqua Permessi,
aut Hippocrenes, aut Olmii sacri,
summo in Helicone choreas ducebant
pulchras, amabiles; tripudiabant vero pedibus:
Inde concitatae, veltae aere multo,
noctu incedebant, perpulchram vocem emitttenttes
[...]
quae olium Hesiodum pulchrum docuerunt carmen,
agnos pascentem Helicone sub divino.[2]

Notae[recensere | fontem recensere]

  1. Helicōn, -ōnis m.; acc. -ōnem vel -ōna (declinatio Graeca). Oxford Latin Dictionary ed. P. G. W. Glare (Oxonii: Clarendon Press, 1968–1982)
  2. F. S. Lehrs, Fridericus Dübner, edd., Hesiodi Carmina; Apollonii Argonautica; Musaei Carmen de Herone et Leandro; Coluthi Raptus Helenae; Quinti Posthomerica; Triphiodori Excidium Ilii; Tzetzae Antehomerica, etc. (Lutetiae: Didot, 1840) (Graece, Latine) Textus apud archive.org

Bibliographia[recensere | fontem recensere]

  • Buckler, John. "Helicon". In The Oxford Classical Dictionary. Oxoniae: Oxford University Press, 2012.
  • Freitag, Klaus. "Helicon". In Brill's New Pauly, editione interrretiali. 2006.

Nexus externi[recensere | fontem recensere]

Commons-logo.svg Vicimedia Communia plura habent quae ad Heliconem spectant.
Wikidata-logo.svg Situs geographici et historici: Locus: 38°21′8″N 22°49′30″E • GeoNames • Digital Atlas of the Roman Empire • Pleiades  • Encyclopædia Britannica