Theodora (senatrix)

Theodora senatrix, etiam Theodora maior dicta (nata ad annum 870; mortua post annum 916), fuit nobilis femina Romana, uxor Theophylacti I Tusculani, vestararii et magistri militum, mater Marotiae, et avia Ioannis Papae XI.

Vita

Theodora fuit avia Ioannis XI papae, filii Marotiae, et (secundum Liutprandum Cremonensem et Librum Pontificalem) Sergii III papae. Tertius autem fons, Flodoardus Remensis (c. 894-966), dicit Ioannem XI fratrem Alberici II fuisse, qui ex Marotia et Alberico I genitus esset. Si verum est, etiam Ioannes verisimiliter est Marotiae et Alberici I filius.

Fontes parci et contradictorii sunt: Liutprandus Theodoram concubinam papae Sergii III fuisse vult; eam "scortum impudens" sive "meretricem satis impudentissimam" dicit, quae "Romanae civitatis non inviriliter monarchiam obtinuit."^[1] Hic episcopus Cremenensis, sed nequaquam sine ira et studio scribere solebat, cum factionis imperialis esset; immo vero, adversarios acriter aggrediebatur.^[2]

Contra, Eugenius Vulgarius, alius historicus coaequalis, Theodoram virtutum plenam fuisse narrat,^[3] quod autem non minus dubium est.

Bibliographia

Ferdinand Gregorovius: Geschichte der Stadt Rom im Mittelalter. München 1978.
Pierre Riché: Les Carolingiens, une famille qui fit l'Europe. Parisiis: Hachette, coll. « Pluriel », 1983 (iterum impr. 1997), ISBN 2-01-278851-3
Daniela Schumacher-Immel: Theodora, die Ältere. In: Biographisch-Bibliographisches Kirchenlexikon (BBKL). Vol. 11, Bautz: Herzberg 1996, ISBN 3-88309-064-6, Coll. 919–920.
Jean-Charles Volkmann: Bien connaître les généalogies des rois de France. Éditions Gisserot, 1999, ISBN 2-87747-208-6
Lexikon des Mittelalters. Monaci 2002.

Notae

↑ Liutprandi Antapodosis, II,48.
↑ Vide e.g. commentationem de Liutprando in The Catholic Encyclopedia: an international work of reference (Novi Eboraci: Appleton, 1907–1914) (Anglice), ubi in fine commentationis legitur: "he is ever a strong partisan and is frequently unfair towards his adversaries."
↑ George L. Williams, Papal Genealogy: The Families and Descendants of the Popes (Jefferson: Éditions MacFerland, 1998), 13.

[1] Liutprandi Antapodosis, II,48.

[2] Vide e.g. commentationem de Liutprando in The Catholic Encyclopedia: an international work of reference (Novi Eboraci: Appleton, 1907–1914) (Anglice), ubi in fine commentationis legitur: "he is ever a strong partisan and is frequently unfair towards his adversaries."

[3] George L. Williams, Papal Genealogy: The Families and Descendants of the Popes (Jefferson: Éditions MacFerland, 1998), 13.

[1]

[2]

[3]