Sushma Swaraj

Sushma Swaraj

Res apud Vicidata repertae:

Sushma Swaraj: imago

Nativitas: 14 Februarii 1952; Ambala Cantonment
Obitus: 6 Augusti 2019; Dellium Novum
Patria: India

Familia

Coniunx: Swaraj Kaushal
Proles: Bansuri Swaraj

Sushma Swaraj seu litteris Devanagari सुषमा स्वराज Suṣamā Svarāja (nata nomine Suṣamā Śarmā die 14 Februarii 1952; die 6 Augusti 2019 mortua) fuit politica Indiae.

E parentibus religione Hinduicis orta qui a Lahorio in Indiam nuper effugerant, Suṣamā Śarmā in castris Ambalaensibus nata est. Ibidem collegium Sanatani Dharmi, ubi linguam Sanscriticam scientiamque politicam, deinde universitatem Panjabensem frequentavit Caṇḍīgaṛhi in urbe, ubi iuribus studuit. Advocata iuxta curiam supremam ab anno 1973 operam dedit.

Gulielmus et Hillaria Clinton, Narendra Modi, Sushma Swaraj (ad dextram) Novi Eboraci die 29 Septembris 2014 colloquentes

Legata est consilio legislativo Haryanensi ab anno 1977 ad 1982 pro circulo oppidi nativi, iterum ab 1987 usque in 1990 quibus annis ministra ab eruditione civitatis Hariyanae merebat. Deinde legata est consilio nationali, sed ab anno 1996 consilio populari. Brevissimo temporis spatio a die 13 Octobris 1998 usque ad 3 Decembris eiusdem anni ministra principalis fuit Dellii territorii capitalis. Ministra ab informatione a die 30 Septembris 2000, ministra a valetudine a die 29 Ianuarii 2003 usque ad 22 Maii 2004 meruit, primo ministro Atal Bihari Vajpayee. Denuo primo ministro Narendra Modi ministra a rebus externis et ab Indis emigratis die 26 Maii 2014 facta est.

Nexus externi

• Vita apud consilium populare Indicum

Ministri rerum externarum Indici

Jawaharlal Nehru • Gulzari Lal Nanda • Lal Bahadur Shastri • Sardar Swaran Singh • M. C. Chagla • Indira Gandhi • Dinesh Singh • Sardar Swaran Singh • Y. B. Chavan • Atal Bihari Vajpayee • Shyam Nandan Prasad Mishra • P. V. Narasimha Rao • Indira Gandhi • Rajiv Gandhi • Bali Ram Bhagat • P. Shiv Shankar • Narayan Dutt Tiwari • Rajiv Gandhi • P. V. Narasimha Rao • Vishwanath Pratap Singh • I. K. Gujral • Vidya Charan Shukla • Madhavsinh Solanki • P. V. Narasimha Rao • Dinesh Singh • Pranab Mukherjee • Sikander Bakht • I. K. Gujral • Atal Bihari Vajpayee • Jaswant Singh • Yashwant Sinha • Natwar Singh • Manmohan Singh • Pranab Mukherjee • S. M. Krishna • Salman Khurshid • Sushma Swaraj • Subrahmanyam Jaishankar Opus geopoliticum • Ministri a rebus externis civitatum Asiaticarum hodiernarum Capsae cognatae: Primi ministri Indiae

Ministri principales Dellii 1993–