Novum Comum

Novum Comum civitas

Novum Comum in regione Langobardia provinciae caput est et in parva campestri alluvione in extremo Lario lacu, inter meridiem et occasum solis, est. Novum Comum est urbs affluens mercaturis opificiisque, quae sericis, machinis, alimentis, chartae vestibusque student, et viatores ecclesias, Maiores Domus, Museum Civicum, Templum Volvitanum et mœnium reliqua petunt.

Inter CDXLIX et CDLXVIII annos, Abundius Novi Comi episcopus fuit: Novi Comi civitatis et diœcesis sanctus patronus est; XI sæculo, sancti Abundi episcopi ecclesia ædificata est.

Antiqua aetate Comum sub collis radicibus Gallorum Insubrium vicus fuit et postea Romana colonia factum est, quia Gaius Iulius Cæsar Novum Comum in planitie salubri reddita constituit. Media aetate Novum Comum Mediolano obstetit et delectum est, deinde in Mediolanensium dominorum potestatem redactum est et recenti aetate Mediolani ducatus Hispania, Austria ac Francogallia rectus est. Medio undevicesimo saeculo Novum Comum Italiæ oppidum factum est.

Novum Comum (vel Novocomum) Italice Como vocatur: Comum vocabulum fortasse a Gallico sermone ducitur, quia camb "flectere" significabat; antiquitus Novo Como erat Græcum nomen Κώμον (accuratius dictum: Kômon).

Novocomenses clari cives

• Gaius Plinius Secundus,
• Gaius Plinius Cæcilius Secundus,
• beatus Innocentius XI papa,
• physicus Alessandro Volta (fortasse Latine Alexander Volvita)

Novi Comi nati sunt, sed alii præclari incolæ in hac civitate vixerunt.

Novi Comi provincia

Novocomensis provincia Lari lacus partem ad occasum vergentem cum vicinis montibus, vallibus collibusque comprehendit; prætera planitiem spectantem meridiem et Ceresi lacus partem ad orientem versam occupat. Agricolæ fruges, poma olusque colunt, cum fabricæ textilibus, metallis, machinis, supellectilibus, alimentis vestibusque studeant; viatores lacus petunt.

• Campilionum, olim, nunc Italiae Campilionum, Italice Campione d'Italia,
• Canturium, Italice Cantù,
• Cermenate, Italice Cermenate,
• Figlinus (Serenza), Italice Figino Serenza,
• Gravidonia, Italice Gravedona,
• Lepomis, Italice Lipomo,
• Marianum Comense, Italice Mariano Comense,
• Minucius, Italice Menaggio,
• Olgeate Longobardorum, olim, nunc Olgiate Novocomense, Italice Olgiate Comasco, et
• Sanctus Fidelis (Intelvi), Italice San Fedele Intelvi,

alinqua municipia in Novi Comi provincia sunt.