Nicolaus Černyševskij

Nicolaus Černyševskij

Nicolaus Gabrielis filius Černyševskij (Russice Николай Гаврилович Чернышевский, tr. Nikolaj Gavrilovič Černyševskij; natus Saratoviae die 24 Iulii 1828, mortuus ibidem die 29 Octobris 1889) erat philosophus socialista utopiae, nihilista, rerum novarum cupidus et scriptor Russicus.

Alumnus divisionis historico-philologicae facultatis philosophicae Universitatis Petropolitanae, Nicolaus Černyševskij initio ut magister, dein ut diurnarius et criticus litterarius favebat operi. Rerum novarum cupidus, modus gubernandi Imperii Russici sui temporis damnabat. Anno 1862 propter proclamationem suam criticam de reforma servos liberantem in Imperio Russico anno 1861 perfectam (quam non satis esse putavit), arrestatus est et dein plus quam viginti annos in carcere et exsilio mansit. Cum in arce Sanctorum Petri et Pauli Petropolitana incarcerabatur, inter menses Decembrem anni 1862 et Martium anni 1863, Černyševskij magnum opus suum – mythistoriam nomine Quid facere? (Russice «Что делать?») – scripsit. Ibi auctor exempla hominum bonorum generationis novae depinxit atque ethicam 'egoismi rationalis' suam introduxit. Opus illud opiniones multorum hominum (quorum fuit, e.g., Vladimirus Lenin) maxime affecit.

Nexus externus

Vicimedia Communia plura habent quae ad Nicolaum Černyševskij spectant (1, 2).

• Opera Černyševskij in Bibliotheca Maximi Moškov] (Russice)
• Opera Černyševskij in Archivo Interretiali (in pluribus linguis)