Petrus de Alcántara

Statua Sancti Petri de Alcantara, a Navarro Gabaldón creata

Sanctus Petrus de Alcantara (1499–1562) fuit frater ex Ordine Fratrum Minorum sancti Francisci Assisiensis.

Vita

Iohannes Garavitus, qui in Ordine Fratrum Minorum, quem strenue restituit, post emissa professionis perpetuae vota Petri nomen sibi imposuit, natus est Alcantarae in Hispania anno 1499. Sanctae Teresiae de Abula, cuius spiritus difficultates solus interpretari potuit, a confessionibus fuit. Cum sexagesimum tertium aetatis annum ageret, die 18 Octobris anno 1562, extremum emisit spiritum.

Anno 1669, Clemens IX Papa Petrum de Alcantara inter sanctos numerari iussit. Anno 1826, die 31 Maii, Leo XII Papa, rogatu imperatoris Petri I Brasiliae, eum principem Brasiliae patronum renuntiavit. Eius memoria colitur die 19 Octobris.

Sanctus Petrus de Alcantara pro paenitentissimo omnium sanctorum habetur per totam ecclesiae historiam.

Opera

Sanctus Petrus de Alcantara quaedam reliquit scripta altissima doctrina referta:

• 1. Tractatus de Oratione et Meditatione (1556)
• 2. Constitutiones Sancti Gabrielis et Sancti Iosephi
• 3. Soliloquia Sancti Bonaventurae (versio ex Lingua Latina in Linguam Hispanicam)
• 4. Dictames (quos scripsit pro Sancta Teresia de Abula)
• 5. Commentarium de Psalmo 'Miserere' (1561)
• 6. Epistulae

Ordines Ecclesiae Catholicae

Albi · Augustiniani · Barnabitae · Benedictini · Camilliani · Canonici Augustiniani · Capuccini · Carmelitae · Carmelitae Discalceati · Carthusiani · Cistercienses · Claretiani · Comboniani · Dominicani · Eudistae · Filii Amoris Misericordis · Franciscani · Iesuitae · Lasalliani · Legionari Christi · Mercedarii · Minimi · Oratoriani · Passionistae · Praemonstratenses · Rosminiani · Sacra Familia · Societas Parisiensis missionum ad exteras gentes · Salesiani · Scalabriniani · Scheutistae · Servi Mariae · Servi Iesu et Mariae · Spiritani · Trappistae · Trinitarii · Ursulinae · Vincentiani

Vide etiam: Categoria:Ordines Ecclesiae Catholicae