Roman numeral 10000 CC DD.svg

Saadi

E Vicipaedia
Jump to navigation Jump to search
Saadi in roseto. Ex manuscripto Mughal operis Gulistan (circa 1645).
Prima pagina Bustan, e manuscripto Mogolicum.
Exemplar operum Saadi Shirazensis a Safvet beg Bašagić (1870–1934), erudito Bosniaco factum.

Abū-Muhammad Muslih al-Dīn bin Abdallāh Shīrāzī[1] (Persice ابومحمد مصلح‌الدین بن عبدالله شیرازی), nomine litterario Saadi notissimus (Persice سعدی Saʿdī), etiam Saadi Shirazensis appellatus (Persice سعدی شیرازی Saadi Shirazi), fuit poeta et auctor Persicus[2][3] aevi medii. Natus Shiraz in urbe Iranica circa annum 1208; ibidem mortuus est anno 1291 aut 1292.

Virtute eius scripturarum et profunditate eius cogitatorum socialium moraliumque innotuit. Late habetur unus e maximis classicae traditionis litterariae poetis; ergo eius epitheton inter eruditos linguae Persicae: "Dominus orationis" (Persice استاد سخن), breviter "Dominus." Praeterea citatus est in traditionibus Occidentalibus.

Alexander Pushkin, unus ex celeberrimis poetis Russicis, Saadi sic citat in Eugenio Onegin poemate suo: "ut iamdudum cecinit Saadi, 'nonnulli remotissimi, nonnulli mortui sunt.'"[4] Gulistan ('Rosetum') nonnullas fabulas Ioannis de la Fontaine movit. Beniaminus Franklinius in DLXXXVIII A Parable on Persecution, uno e suis operibus, nonnullas parabolas e Bustan libro Saadiensi citat, fontem ut videtur ignorans.[5] Radulphus Waldo Emerson, qui scripturas Saadienses etiam legit (solum autem Anglice), opera Saadiensia cum Bibliis Sacris pro sapientia et pulchritudine narrationis comparat.[6]

Baracus Obama praeses Civitatum Foederatarum primos cuiusdam poematis versus in salutatione Novi Anni ad populos Iraniae die 20 Martii 2009 sic citavit, "Verba meminerimus quae a Saadi poeta abhinc permultos annos scripta sunt: 'Liberi Adami membra inter se sunt, ex una essentia creata.'"[7][8]

Opera selecta[recensere | fontem recensere]

Mausoleum[recensere | fontem recensere]

Notae[recensere | fontem recensere]

  1. Kathryn Hinds, The City. Google Books. Books.google.com.pk .
  2. Encyclopedia Iranica: "SAʿDI, Abu Moḥammad Mošarref-al-Din Moṣleḥ b. ʿAbd-Allāh b. Mošarref Širāzi, Persian poet and prose writer (b. Shiraz, ca. 1210; d. Shiraz, d. 1291 or 1292), widely recognized as one of the greatest masters of the classical literary tradition."
  3. Encylopaedia Britannica: "Saʿdī, also spelled Saadi, byname of Musharrif al-Dīn ibn Muṣlih al-Dīn, (born c. 1213, Shīrāz, Iran—died Dec. 9, 1291, Shīrāz), Persian poet, one of the greatest figures in classical Persian literature."
  4. Textus poematis hic legi potest.
  5. Yohannan 1977: xxv-xxvi.
  6. Milani 2004: 39.
  7. Anglice: "Let us remember the words that were written by the poet Saadi, so many years ago: 'The children of Adam are limbs to each other, having been created of one essence.'"
  8. "US President Obama's New Year's greeting to the people of Iran, March, 2009". web.archive.org .

Bibliographia[recensere | fontem recensere]

Nexus externi[recensere | fontem recensere]

Wikiquote-logo.svg Vicicitatio habet citationes quae ad Saadi spectant.
Commons-logo.svg Vicimedia Communia plura habent quae ad Saadi spectant.