Prosper Montagné
.jpg)
Prosper Montagné, nomine pleno nativo Paul Marius Octave Prosper Montagné (Carcasone natus die 14 Novembris 1865;[1] Savarae[2] die 22 Aprilis 1948 mortuus) fuit coquus et scriptor de arte coquinaria. Auctor fuit operis encyclopaedici Larousse gastronomique. Popinam nomine Montagné traiteur ab anno 1920 usque in 1928 tenuit.
De coquina, magistrum suum Brillat-Savarin confitens, "Bonum" ait "non nisi ex optimo fit" (On ne fait du bon qu'avec du très bon).[3] Erant qui eum dispendiosiorem aestimabant, ut qui astacum stilo Newberg et locustam panis frustulis involutam inferret, tubera integra tantum praeberet quippe quae, si consecarentur, aroma suum perderent.[4] De celebritate haec post obitum dicta sunt:
- Parvus modestusque, cruribus brevibus et ventre repleto, oculo maligno magnis perspicillis recelato, Lutetiam omnem cognoverat omnesque ganeones totius mundi receperat (Ce petit monsieur simple, court sur jambes, replet, dont l'œil malicieux se cachait sous de grosses lunettes, avait connu tout Paris et accueilli chez lui toutes les grandes fourchettes internationales).[5]
De vita
[recensere | fontem recensere]Filius fuit Victoris Germani Montagné, qui pantopolium gerebat. Iussu patris, qui deversorium Tolosanum Hôtel des quatre saisons nuper emerat, iuvenis ibi duos annos laboravit, mox iuxta pastillarium eiusdem urbis, deinde ad thermas Cautarets apud Hôtel d'Angleterre eo tempore frequentatissimum, archimagiro Alphonsus Meillon.[6] Mox Lutetiam petivit ubi in deversoriis Les Ambassadeurs et Grand Hôtel(fr) laborabat, sed in exercitum convocatus cum Philea Gilbert librum manualem de coquina militari edidit. Absolutus sub archimagiro Ioanne Giroix aestate Balneo Lixonensi in aedibus aleatoriis(fr), hieme in Hôtel de Paris(fr) Montis Caroli principatus Monoeci operam dedit, unde sub novo archimagiro Prosper Salles, Phileae Gilbert discipulo, manserit. Lutetiam annis 1890 reditus, archimagirus apud coffearia Pavillon d'Armenonville(d) et Pavillon Ledoyen(fr), denuo apud Grand Hôtel Parisiense ubi iamdudum laboraverat.[7] His annis cum Prosperum Salles Phileaque Gilbert librum coquinarium La Grande Cuisine Illustrée paravit, quem pecuniis suis anno 1902 divulgari iussit. Ab anno 1907 ad opera litteraria et diurnaria se dicavit.
Iam antea commentationes de re gastronomica diario L'Œuvre contribuebat scriptoribusque collegis saepe ad prandium apud se invitavit.[8] Editor principalis fuit periodici Revue culinaire.[2] His annis opus magnum Larousse gastronomique paravit, multis rebus ab Grand dictionnaire de cuisine Alexandri Dumas (1872) demptis sed pluribus e novo scriptis: cui operi amici Phileas Gilbert et Augustus Escoffier praefationes scripserunt. Quo libro perfecto, annis 1920 et 1930 popinas direxit.
Montagné traiteur
[recensere | fontem recensere]
Popinam suam ab anno 1920 usque in 1928 tenuit, nomine simplici Montagné, traiteur ("obsonator"), stylo vel Directorii vel Ludovici Philippi ornatam,[10] his annis laudatissimam,[11][12] postea a multis lamentatam.[13][9]
Fercula ab eo aut inventa aut perfecta celebrabantur, inter quae rognons de veau flambés au cognac ("renes vitellini e spiritu Cognacensi flammati")[2]
Rôtisserie de la Reine Pédauque
[recensere | fontem recensere]
Popinam Rôtisserie de la Reine Pédauque, anno circiter 1918 omnium ganeariorum Parisiensium a populo laudatissimam,[15] nuperrecetius a Petro André(fr) negotiatore vinario emptam,[16] ab anno 1937 usque ad obitum direxit.[14] Ibi ferculum Foie gras Reine Pédauque (ficatum anserinum saginatum e tuberis, glacie impositum) inferre solebat.[17]
Fortuna
[recensere | fontem recensere]Societas (Club) Prosperi Montagné Carcasone anno 1950 constituta est, suadente imprimis René Morand amicus popinariusque.[3] Larousse gastronomique hodie usque editionibus renovatis Francogallicis versionibusque in linguas plures divulgatur.
Scripta
[recensere | fontem recensere]- Libri
- 1900 (cum Prosper Salles, adiuvante Philéas Gilbert) : La Grande Cuisine illustrée Textus apud Gallica
- 1909 : Ordinaires: livre de cuisine militaire aux manoeuvres et en campagne Textus[18]
- 1910 (primo auctore Félix Regnault) : La Cuisine diététique De hoc libro
- 1918 : Manuel du bon cuistot et de la bonne ménagère[19]
- 1918 : La Bonne Chère pas chère sans viande Textus
- 1929 (cum Prosper Salles) : Le Grand livre de cuisine[20]
- 1930 (pictore Jean Chamberoque) : Le Festin occitan (Collection des écrivains de l'Aude)
- c. 1930? (editor) : Le Trésor de la cuisine du bassin méditerranéen par 70 médecins de France. Laboratoires du Dr Zizine[21]
- 1931 : Les Délices de la table, ou les quatre saisons gourmandes: petit traité de cuisine transcendante à l'usage des gens de bon gout et des amateurs du bien manger[22]
- 1936 (cum Alfred Gottschalk) : Mon menu. Cuisine d'hygiène alimentaire
- 1938 (adiuvante Alfred Gottschalk, praefatione Phileae Gilbert et Augusti Escoffier) : Larousse gastronomique
- 1941 : La Cuisine avec et sans tickets Textus
- Commentationes selectae
- 1948 : "L'Iconographie gastronomique" in Revue culinaire (Iunio 1948) pp. 151-154
- 1948 : "Brèves leçons de cuisine: pièces d'archives" in Revue culinaire (Iunio 1948) pp. 157-158
Notae
[recensere | fontem recensere]- ↑ "La plaque en hommage à Prosper Montagné n'est pas au bon endroit" (2021)
- ↑ 2.0 2.1 2.2 "Prosper Montagné, mainteneur de la cuisine française, s'est éteint dans sa 84e année" in Le Combat (24 Aprilis 1948) p. 1
- ↑ 3.0 3.1 Fide Club Prosper Montagné
- ↑ On lui reprochait de prôner une cuisine trop chère: homard à la Neubourg, langouste au gratin, etc. ... Chez lui, on ne servait les truffes qu'entières, il prétendait que de les couper leur ôtait leur parfum: Billy (1949) pp. 31-32
- ↑ Nouvelles littéraires (1948)
- ↑ De quo vide Cairn
- ↑ Guérot (1948) p. 147
- ↑ Billy (1949) pp. 31-32
- ↑ 9.0 9.1 C. La Broue, "Prosper Montagné, maître cuisinier" in Le Figaro (18 Iunii 1933) p. 6
- ↑ Billy (1949) p. 32; Pierre de Trévières, "Style Louis-Philippe" in La Liberté (11 Iulii 1920) p. 2
- ↑ Pierre Varenne, "De Brillat-Savarin à Prosper Montagné" in Bonsoir (8 Novembris 1921) p. 3
- ↑ "Montagné, 5 rue de l'Échelle" in Street (1920) pp. 37-39; Guérot (1948) p. 148
- ↑ Leigh Hoffman, "Vanishing Restaurants" in Chicago Tribune (17 Maii 1931) p. 8; Blanche Vogt, "Les Grands Mots" in L’Intransigeant (13 Ianuarii 1938) p. 3
- ↑ 14.0 14.1 Petit Journal (23 Februarii 1938) p. 3
- ↑ Street (1920) pp. 71-72
- ↑ Cf. Reine Pédauque: Corton Grand Cru
- ↑ "L'Art de présenter les plats" in Marie-Claire (22 Aprilis 1938)
- ↑ Prospero Montagné fide Bibliothecae Nationalis Francicae attribuaenda
- ↑ De hoc libro[nexus deficit]
- ↑ De hoc libro
- ↑ De hoc libro
- ↑ De hoc libro
Bibliographia
[recensere | fontem recensere]
- Fontes coaevi
- 1920 : Julian Street, Where Paris Dines (Garden City NY: Doubleday)Textus
- 1927 : "Prosper Montagné journaliste" in L’Œuvre (5 Septembris 1927) p. 4
- 1928 : Gaston Derys; Mars-Trick, pict., "Un cuisinier régionaliste, Prosper Montagné" in Le pays de France illustré (15 Iulii 1928) p. 680
- 1948 : "Prosper Montagné" (anecdota quinque) in Les Nouvelles littéraires (29 Aprilis 1948) p. 4
- 1948 : Alfred Guérot, "La Revue culinaire à son rédacteur en chef Prosper Montagné]" in Revue culinaire (Iunio 1948) pp. 147-150, (Augusto 1948) p. 209
- 1948 : Edouard Foussier, "A propos du maître Prosper Montagné" in Revue culinaire (Iulio 1948) pp. 187-188
- 1949 : André Billy, Le Balcon au bord de l'eau (1949) (Paginae selectae apud Google Books)
- Recentiora
- "Prosper Montagné: un artiste devenu cuisinier" in Plaisirs: gastronomie & voyages (Martio 2012)
- Jeanne B. Barondeau, "Prosper Montagné, un grand chef disparaît" in L'Héritage de Curnonsky, vol. III, Curnonsky: Souvenirs gastronomiques (Monaci: Éditions Curnonska, 2007. ISBN 9783940814036)
- Roger Lamoise, La Vie et l'Œuvre de Prosper Montagné. Maître cuisinier et écrivain gastronomique, 1865-1948. Malakoff, J. Lanore, 1995. ISBN 9782862682457
- Denis Saillard, "Chefs contre gastronomes. Histoire d’une défaite médiatique (1880-1940)" in Le Temps des médias no. 24 (2015) pp. 44-65
Nexus externi
[recensere | fontem recensere]- Les Compagnons de Prosper Montagné
- "Biographie Prosper Montagné" olim apud Club Prosper Montagné divulgata
- "Prosper Montagné, cuisinier, culinographe et journaliste" olim apud Club Prosper Montagné divulgata
- Vente aux enchères, 14 octobre 2016: Bibliothèque gastronomique de Prosper Montagné et René Morand; Pierre Morand-Fehr, Claude Morand-Fehr, "Avant-propos sur Prosper Montagné et René Morand"
- Tabulae cenatoriae popinae Rôtisserie de la Reine Pédauque