Poppaea Sabina

Poppaea Sabina (nata Pompeiis anno 30; mortua Romae anno 65) fuit uxor nuptiis alteris principis Neronis. Filia fuit T. Ollii et Poppaeae Sabinae^[1] (filiae C. Poppaei Sabini).

De matrimoniis

Poppaea ter nupsit:

Rufrio Crispino equiti, cui peperit Rufrium Crispinum minorem.
M. Salvio Othone, amico Neronis
Neroni principi, cui peperit Claudiam Augustam aetate quattuor mensium mortuam

De religione

Secundum historicum Flavium Iosephum Poppaea Iudaicae religioni favebat atque fortasse eam fovebat (θεοσεβής dicitur). Certe summus sacerdos Ismael eius gratia impetravit ut muri cuiusdam aedificatio in Templo Hierosolymitano confirmaretur, quem murum et procurator Iudaeae Porcius Festus et rex Agrippa II amoliri volebant^[2]. Quin etiam ipse Iosephus anno 64 liberationem sacerdotum sibi necessariorum a Nerone per eam impetravit^[3]

In artibus et litteris

Iohannes Boccacius Poppaeam operi suo De Claris mulieribus (1361-1374) inseruit.
Poppaea est heroine celebris dramatis musici Claudii Monteverdi L'incoronazione di Poppea (1642).
In mythistoria Henrici Sienkiewicz Quo vadis (1896) et in pelliculis quae argumentum illius famosi libri retractant Iudaicae religionis sectatrix dicitur et femina mala scelerataque depingitur quae zelotypiae causa maritum Neronem ad Christianos incensae Romae accusandos incitat atque ad supplicium de eis sumendum (nam rivalis Lygia et Vinicius eius sponsus Christiani erant).
In pellicula a Stephano Vanza moderata Mio figlio Nerone (1956) partes Poppaeae a Birgitta Bardot agebantur.
In peplo erotico a Guidone Malatesta moderato Le calde notti di Poppea (1969) partes Poppaeae ab Olga Shoberova agebantur.

Fontes

Tacitus, Annales 13.45-46; 14.63-64; 16.6
Suetonius, De vita Caesarum "Nero" 35, "Otho" 3
Dio, Historia Romana 62.11-13, 27; 63.9, 11, 13

Notae

↑ Simon Hornblower, Antony Spawforth (edd.), Oxford Classical Dictionary (Oxford University Press, 2003) p. 1221.
↑ Flavius Iosephus, Ant. Iud. XX.189-196
↑ Vita Iosephi III

Plura legere si cupis

Pier Giovanni Guzzo, Oplontis : la villa di Poppea, Mediolani, 2000
Franz Holztrattner, Poppaea Neronis potens : die Gestalt der Poppaea Sabina in den Nerobüchern des Tacitus : mit einem Anhang zu Claudia Acte, Graz, 1995
Patrick Kragelund, "The temple and birthplace of Diva Poppaea", The Classical Quarterly, 2010: 559-568
Roland Mayer, What Caused Poppaea's Death?, Historia: Zeitschrift für Alte Geschichte, 1982: 248-249
E. Mary Smallwood, "The alleged Jewish tendencies of Poppaea Sabina", The Journal of Theological Studies, 1959: 329-335

Nexus interni

L'incoronazione di Poppea

Nexus externi

Vicimedia Communia plura habent quae ad Poppaeam Sabinam spectant.

Nummi Poppaeae in Museo Britannico
De Poppaea Sabina (Anglice)
Villa Poppaea
Lucas-Joël Houllé, Poppée, la Cléopâtre de Rome. 2021.

[moesia-1] Simon Hornblower, Antony Spawforth (edd.), Oxford Classical Dictionary (Oxford University Press, 2003) p. 1221.

[2] Flavius Iosephus, Ant. Iud. XX.189-196

[3] Vita Iosephi III

[1]

[2]

[3]