Coordinata: 44°22′5″N 100°20′11″W / 44.36806°N 100.33639°W
Petropolis (Dacota Meridiana)
Jump to navigation
Jump to search
Petropolis[1] (Anglice Pierre,[2] Lakotice čhúŋkaške[3] 'castellum') est caput civicum Dacotae Meridianae, civitatis Civitatum Foederatarum, ac sedes Hughes Comitatus.[4] Numerus civium anno 2010 fuit 13 646, unde Petropolis est secundum a minimo capite civico in Civitatibus Foederatis, post Montem Pessulanum Montis Viridis, et octo a maxima urbe in Dacota Meridiana.
Locus intra Hughes Comitatum.
Moles Oahe, nonnulla milia ad septentriones versus. Photographema ex Statione Spatiali Internationali.
Pons ferrivialis in Flumine Missuriensi ad Petropolim. Prospectus ad occidentem spectans.
Urbs condita est anno 1880 in orientali Fluminis Missuriensis ripa ante Castellum Petrinum, arcem e Petro Chouteau, Jr., mercatore pellis ex Urbe Sancti Ludovici Missuriae, appellata.
Sententia urbana est Super Flumen, Semper Movens (Anglice On The River, On The Move).
Incolae clari[recensere | fontem recensere]
- Floyd Bannister, iaculator in Major League Baseball
- Iosephus Bottum, scriptor
- Thomas Brokaw, diurnarius televisificus et auctor
- Iustinus Gabriel, luctator professionalis
- Robertus Gleckler, histrio
- Dusty Johnson, legatus foederalis e Dacota Meridiana
- Rex Robbins, histrio
- Michael Rounds, gubernator Dacotae Meridianae et senator iunior e Dacota Meridiana
Notae[recensere | fontem recensere]
- ↑ "Petropolis Dacotae": Latinitas. Vaticana (1972).
- ↑ "Broadcast Pronunciation Guide and South Dakota Pronunciations". Associated Press.
- ↑ Ullrich, Jan F. (2014). New Lakota Dictionary (2nd ed.). Bloomington, IN: Lakota Language Consortium. ISBN 978-0-9761082-9-0.
- ↑ "Find a County". National Association of Counties.
Bibliographia[recensere | fontem recensere]
- "Pierre" in Encyclopaedia Britannica. 11a ed. (Sicagi, 1911) html djvu
Nexus externi[recensere | fontem recensere]
|
Vicimedia Communia plura habent quae ad Petropolim spectant. |