Pardalis

E Vicipaedia
Jump to navigation Jump to search
Pardalis (Panthera pardus, Lin.)

Pardălis est animal felinum, quod idem esse putatur ac pardus vel "leopardus" mundi veteris, qui dicitur. Pardalis (πάρδαλις) inde ab Homero testatum est.[1] Praeterea apud Aristotelem[2] nec non apud alios quoque auctores, quorum nonnulli scriptionem q.e. pordalis (πόρδαλις) praeferunt.

Pardalis raro invenitur apud auctores Romanos, qui pantheram et pardum praeferre videntur.[3] Sed Curtius Rufus Alexandri Babyloniam ingressionis magnificentiam describens cum alia tum "leones quoque et pardales caveis praeferebantur" dixit.[4] Servius autem -id- suffixo usus est ad femineam pantheram indicandam:[5] "Plinius in naturali historia dicit leonem cum pardalide, et pardum cum leaena concumbere."

Leopardus mundi novi est animal felinum admodum parva statura ad differens genus pertinens.

Notae[recensere | fontem recensere]

  1. Il. 13.103; 17.20; et alibi. Hawtree 2011: 28, 33
  2. Historia animalium 500a28
  3. Hawtree 2011: 30
  4. Alex. 5.1.21
  5. Ad Aen. 3.113

Bibliographia[recensere | fontem recensere]


Bullet yellow.png Eget haec commentatio nexum Wikidata. Quem adde si potes.