Oetsius

E Vicipaedia
Jump to navigation Jump to search
Vide etiam paginam fere homonymam: 5803 Ötzi
Oetsius ut verisimiliter erat.

Oetsius[1] (Theodisce Ötzi sed apud alios der Mann im Eis) est cadaver naturaliter conservatum hominis qui fere saeculo 34 a.C.n. vixit.[2] Cadaver die 19 Septembris 1991 iuxta fines Austriae et Italiae in mole glaciali Schnalstal prope Hauslabjoch in Alpibus Ötztal inventum, ab archaeologis ad commemorationem huius loci agnominatus. Corpus conservatum antiquissimum est omnium in Europa repertorum.

Cadaver resque cum eo repertae in Museo Tyrolis Meridionalis Archaeologico Bolzani in Italia monstrantur. Oetsius eodem aevo quo "Zingiber" vixit atque verisimiliter iuxta oppidum hodiernum Algundium habitavit.

Ex investigatione ciborum in stomacho manentium, constat Oetsium adipem carnemque animalium Caprae ibicis et Cervi elaphi, furfurem Tritici monococci et T. urartu, fragmenta insuper foliorum Pteridii aquilini comedisse; pollen variarum plantarum volente nolente sumpsisse.


Notae[recensere | fontem recensere]

  1. "De Oetsio sive Sigfrido", in : Melissa, 2009, n° 151, p. 8 : "Ei nomen Oetsii dederunt quo nomine nunc ubique terrarum est famosus (...) Mirum in modum in ecclesiola vici Lacciae siti in inferiore valle servatur "menhir" sive lapis erectus praehistoricus eiusdem temporis quo vivebat Oetsius in quo scalpitur imago hominis a tergo a sagittario necatus!".
  2. James Neill, Otzi, the 5,300 Year Old Iceman from the Alps: Pictures & Information http://www.wilderdom.com/evolution/OtziIcemanAlpsPictures.htm (27 Octobris 2004), inventum 8 Martii 2007.

Bibliographia[recensere | fontem recensere]

Nexus interni

Nexus externi[recensere | fontem recensere]