Mstislaus (dux Czernihoviae)

Mstislaus Vladimiri filius, cognomine Fortis (Russice Храбрый), anno 1036 mortuus, fuit Vladimiri Magni filius, dux Tmutaracanensis et Czernihoviensis ab anno 1024 usque ad mortem.

E iunioribus Vladimiri filiis fuit; quando inter annum 995 et 1014 Tmutaracanum feudum acceperit, incertum est. Multa bella ibi gessit; anno 1016 contra Chasaros Graecis sociis puganaverat, ut Chasaris e Tauride depulsis Graeci eam reciperent. Anno 1022 contra Casogos (sic Circassi nominabantur) exit et Redediam ducem eorum in monomachia gloriosa vicit. Tres expeditiones militares in Schirvanum fecit. Anno 1023, cum Iaroslaus Sapiens magnus dux Kioviensis et frater Mstislai aberat, Kioviam occupare conatus est, sed fristra; cepit Czernichoviam et Iaroslao in pugna victo anno 1024 ducatum Czernihoviensem accepit et Pereaslaviam et omnem Borysthenis ripam dextram. Anno 1029 Iaroslao socio Alanos (Iassos) vicit. Filium unum habebat Eustaphium, qui ante patrem mortuus est; Mstislao mortuo Iaroslaus terras eius accepit.

Nexus externi

Lexica biographica: • Большая российская энциклопедия •

\