Latinitas nondum censa

Circassi

E Vicipaedia
Jump to navigation Jump to search
Conсilium ducum Circassorum circa annum 1840 (a Gregorio Gagarin pictum)

Circassi[1] (Circassice Адыгэхэр, tr. Adygèchèr) sunt populi indigeni in Caucaso Septentrionali, ut progenies Maeotarum certarumque aliarum gentium antiquarum terrae illius videntur. Linguae Circassorum ad Caucasicas Septentrionales pertinent, et religio nunc inter eos maxime praevalens est Islamica (sectae Sunniticae). Post Bellum Caucasium pars maior Circassorum non in patria sua historica Circassia, propter bellum illud ad Russiam adiuncta, sed peregre (ut plurimum, in Turcia atque in aliis terris olim ad Imperium Ottomanicum pertinentibus) habitat. In Foederatione Russica sunt plus quam septingenti milia Circassorum, imprimis in rebus publicis Cabardino-Balcaria, Adygeia et Karaczaevo-Circassia (ubi partes Circassorum, scilicet Cabardini, Adygeiani et Circassi sensu stricto hodierno, sunt "nationes titulares") atque in territoria Crasnodariano et Stauropolitano foederationis illius habitantium. In re publica Turcica enim plus quam decies centena milia (vel fortasse aliquoties maior) Circassorum habitant.

Nota[recensere | fontem recensere]

Nexus externi[recensere | fontem recensere]

Commons-logo.svg Vicimedia Communia plura habent quae ad Circassos spectant.