Missurius

Missurius
Tabula Missuriensis fluminis.
Longitudo	3767 chm
Altitudo fontis	2800 m
Decursus aquae	2478 (in Hermannopoli) m³/s
Area systematis	1 371 010 chm²
Fons	Confluentiua fluminum Jefferson et Madison
Ostium	Mississippius in Urbe Sancti Ludovici
Regio	Montana, Nebrasca, Dacota Meridiana, Dacota Septentrionalis, Iova, Kansia, Missuria

Missurius,^[1] seu flumen Missuriense^[2] (Anglice Missouri^[3]), est longissimum Americae Septentrionalis flumen. In montibus Saxosis Montanae occidentalis oriens, ad orientem et meridiem 3767 chiliometra fluit, et in flumen Mississippiense prope Urbem Sancti Ludovici introit, cuius accola longissimus est (et secundus a maximo accola orbis terrarum post Irtim).

Fluxus

In Montana prope ad urbem Three Forks ("Trifurca") e confluentia fluminum Jefferson et Madison initium capit; post 1,6 chm flumen tertium haud minus Gallatin ad his adiungitur. Jeffersonis fontes in Montana sitae sunt, Madisonis et Gallatinis in Vyomina, in saepto nationali Yellowstone. Prope ad urbem Great Falls ("Aquae Cadentes Magnae") aquas cadentes magnas facit. In Dacotam Septentrionalem intrans Yellowstone accolam accipit, cuius decursus aquae hic maior est, quam Missurii. Bismarcopolis Dacotae Septenrionalis caput ad Missurium sita est. Confinium cum Dacota Meridiana transit et in Magnas Planities exit; Petropolis Dacotae Meridianae caput ad ripas Missurii sita est. Per confinium Dacotae Meridianae et Nebrascae et postea Nebrascae et Iowae fluit; hic prope ad Omaham urbem Nebrascae Platte accola Missurii longissimus in eum se effundit. Per confinium Nebrascae et Missuriae et postea Missuriae et Kansiae fluit; hic in Kansanopoli urbe Kansiae capitali Kansia flumen in Missurium se effundit; Missuriam mediam dissecat, ubi ‎Ieffersonia civitatis caput ad ripas eius sita est, et prope ad Urbem Sancti Ludovici in Mississippium se effundit.

Pons Hannibalis (*Hannibal-bridge*) in Kansanopoli (pons trans Misssurium vetustissimus, charta cursualis anni 1908)

Notae

↑ "Ubi enim Missurius et Mississippius confluunt, ille 3000 mill. Anglica, hic 1300 solum percurrit" (p. 21 nota 37 apud Google Books). "Missurium flumen" (cas. accus.): Concilia provincialia Baltimori habita ab anno 1829 usque ad annum 1840 (1842), p. 133.
↑ Lexicon Latinum hodiernum, s.v. Missouri (PDF).
↑ Ita et Latine: The London Journal of Botany, vol. 7 (1848), p. 474.

Nexus externi

Vicimedia Communia plura habent quae ad flumen Missuriense spectant.

Situs geographici et historici: Locus: 45°55′39″N 111°30′29″W, 38°48′49″N 90°7′11″W • OpenStreetMap • GeoNames • 2518319 Thesaurus Getty • Store norske Lexikon • "756398" apud USGS • Treccani

Terra

Haec stipula ad geographiam spectat. Amplifica, si potes!

[1] "Ubi enim Missurius et Mississippius confluunt, ille 3000 mill. Anglica, hic 1300 solum percurrit" (p. 21 nota 37 apud Google Books). "Missurium flumen" (cas. accus.): Concilia provincialia Baltimori habita ab anno 1829 usque ad annum 1840 (1842), p. 133.

[2] Lexicon Latinum hodiernum, s.v. Missouri (PDF).

[3] Ita et Latine: The London Journal of Botany, vol. 7 (1848), p. 474.

[1]

[2]

[3]